ۇيىقتار الدىندا ۋاقىتقا قاراماڭىز

نۇر-سۇلتان. قازاقپارات - ۇيقى كۇنى بويى سەرگەك ءجۇرۋدىڭ بىردەن-ءبىر كەپىلى. قالىپتى ۇيقىدان قالىپ قويماس ءۇشىن، كەي ادەتتەردەن باس تارتۋعا تۋرا كەلەدى. سونىڭ ءبىرى - جاتار الدىندا ساعاتقا قارايلاۋ ەكەن.

بۇل جايىندا ۇيقى مامانى كارلەارا ۆەيسستىڭ پىكىرى Well and Good باسىلىمىندا جاريالاندى.

زەرتتەۋشى مامان پىكىرىنە سۇيەنەتىن بولساق، جاتار الدىندا ۋاقىتتى ءجيى قارايتىن، ساعاتقا قايتا-قايتا ۇڭىلەتىن جانداردىڭ ۇيقىسى ءجيى بۇزىلادى ەكەن. وعان ەكى فاكتور اسەر ەتەتىن كورىنەدى. ءبىرىنشىسى - ۋاقىتتىڭ ءوتۋى مازاسىزدىق شاقىرادى. از ۇيىقتايتىن بولدىم دەگەن وي ادامدى مازالايدى. ەكىنشىدەن ۋاقىتتى ءبىلۋ ءۇشىن شامدى قوسۋ نەمەسە تەلەفون ەكرانىنا قاراۋ كەرەك، بۇل ۇيقىنىڭ رەتتەلۋىنە قاتىساتىن مەلاتونين گورمونىنىڭ ءبولىنۋىن بۇزادى.

ءبىز جاتار الدىندا ۋاقىتقا ءجيى قارايتىن جانداردى باقىلادىق. ءتىپتى، كەيبىرى ءبىر ۋاقىتتا ويانىپ كۇن سايىن ساعاتقا قاراۋدى ادەتكە دە اينالدىرعان. ۋاقىتتى ءجيى قاراۋ ايتارلىقتاي ۇيقىنىڭ بۇزىلۋىنا اسەر ەتەدى» - دەيدى كارلەارا ۆەيسس.

مامان ۇيىقتار الدىندا تەلەفوندى تەرىس قاراتىپ قويۋ جانە كوپ پايدالانباۋعا كەڭەس بەرەدى. ال جاتىن بولمەدە ساعات بولماعانى، ءتىپتى جاقسى دەگەن پىكىردە. ۋاقىتقا ءجيى قاراۋ ادەتىن دۇرىس تىنىس الۋعا ارنالعان جاتتىعۋلار جانە مەديتاتسيامەن الماستىرۋدى دۇرىس دەپ سانايدى.

massaget.kz