ءبىرقاتار اۆتوجولدا اۋىر جۇك كولىكتەرىنىڭ جۇرۋىنە ۋاقىتشا تىيىم سالىندى

نۇر- سۇلتان. قازاقپارات - قازاقستاندا اۋىر جۇك كولىكتەرى ءۇشىن ۋاقىتشا شەكتەۋ ەنگىزىلدى، دەپ حابارلايدى قازاقپارات.

يندۋستريا جانە ينفراقۇرىلىمدىق دامۋ مينيسترلىگى تاراتقان مالىمەتكە سەنسەك، كوكتەمگى سۋ تاسقىنى كەزەڭىندە جول توسەمىن ساقتاۋ ماقساتىندا ءبىر وسكە 8 توننادان استام جۇكتەمەسى بار جۇك جانە ءىرى گاباريتتى اۆتوكولىكتەردىڭ قوزعالىسىنا شەكتەۋ قويىلدى.

وسىلايشا، 1- ناۋرىز بەن 1- ءساۋىر ارالىعىندا الماتى، اتىراۋ، جامبىل، قاراعاندى (جەزقازعان ءوڭىرى)، قىزىلوردا، ماڭعىستاۋ جانە وڭتۇستىك قازاقستان وبلىستارىنىڭ جولدارىندا قوزعالىسقا شەكتەۋ بار. سونداي- اق، 23 - ناۋرىزدان 1- مامىرعا دەيىن - اقمولا، اقتوبە، شىعىس قازاقستان، باتىس قازاقستان، قاراعاندى (قاراعاندى ءوڭىرى)، قوستاناي، پاۆلودار جانە سولتۇستىك قازاقستان وبلىستارىندا دا اۋىر جۇك كولىكتەرىنىڭ جۇرۋىنە تىيىم سالىنادى.