قاسىم-جومارت توقايەۆ: حالىق ناقتى وزگەرىستەردى كۇتىپ وتىر
13:56, 01 - ناۋرىز 2022
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ اتاۋى «امانات» بولىپ وزگەرەتىن پارتيانىڭ باستى مىندەتىن اتادى، دەپ حابارلايدى قازاقپارات.
«ەندى بىلەك سىبانا جۇمىس جاساۋىمىز كەرەك. حالىق ناقتى وزگەرىستەردى كۇتىپ وتىر. پارتيا اتىنا زاتى ساي بولۋى ءتيىس. ەل بىرلىگىن نىعايتىپ، جاڭا قازاقستاندى قۇرۋ - بارىمىزگە ورتاق مىندەت. وسى مىندەتتى ابىرويمەن اتقارساق، بولاشاعىمىز دا باياندى بولماق. پارتيانىڭ ءاربىر مۇشەسى بۇل جاۋاپكەرشىلىكتى تەرەڭ سەزىنىپ، ايانباي ەڭبەك ەتەدى دەپ سەنەمىن.
«بەرەكە باسى - بىرلىك» ەكەنىن ءاردايىم ەستە ساقتايىق! جاڭا قازاقستاندى بىرگە قۇرايىق! ەلىمىز امان، جۇرتىمىز تىنىش بولسىن! پارتيامىزدىڭ جاڭا اتاۋى قۇتتى بولسىن!» - دەدى مەملەكەت باسشىسى پارتيانىڭ كەزەكتەن تىس سەزىندە.
بۇدان بۇرىن حابارلانعانداي، پرەزيدەنت «Nur Otan» پارتياسىنىڭ اتاۋىن «امانات» دەپ وزگەرتۋدى قولدادى.