پارتيانىڭ جارعىسىنا وزگەرىستەر ەنگىزۋ كەرەك - اسحات ورالوۆ

نۇر-سۇلتان. قازاقپارات - پارتيانىڭ جارعىسىنا وزگەرىستەر ەنگىزۋ كەرەك.

بۇل تۋرالى «Nur Otan» پارتياسىنىڭ كەزەكتەن تىس سەزىندە پارتيانىڭ اتقارۋشى حاتشىسى اسحات ورالوۆ ءمالىم ەتتى، دەپ حابارلايدى قازاقپارات.

«قازىرگى تاڭداعى وزگەرىستەرگە ساي پارتيانىڭ باستى باعدارلامالىق قۇجاتتارىن قايتا قاراۋ قاجەت دەپ ويلايمىز. ەڭ اۋەلى پارتيانىڭ جارعىسىنا وزگەرىستەر ەنگىزۋ كەرەك. پارتيانىڭ جانە ونىڭ فيليالدارى ءتوراعاسىنىڭ ءبىرىنشى ورىنباسارى قىزمەتىنىڭ ورنىنا اتقارۋشى حاتشى قىزمەتى ەنگىزىلەدى. پارتيانىڭ ستراتەگيالىق قۇجاتتارىنا وزگەرىستەر مەن تولىقتىرۋلار ەنگىزۋ دە وتە ماڭىزدى»، - دەدى ا. ورالوۆ.

ونىڭ ايتۋىنشا، قازىرگى كۇنى ارنايى جۇمىس توبى «Nur Otan» پارتياسىنىڭ 2030 -جىلعا دەيىنگى «باقۋاتتى قوعام: ونجىلدىقتىڭ 10 ماقساتى» جانە 2025 -جىلعا دەيىنگى سىبايلاس جەمقورلىققا قارسى ءىس-قيمىل باعدارلامالارىن قايتا قاراۋعا كىرىستى.