نۇرلان نىعماتۋلين «نۇر وتان» پارتياسىنىڭ ساياسي كەڭەسىنەن شىعارىلدى

نۇر-سۇلتان. قازاقپارات - «نۇر وتان» پارتياسىنىڭ كەزەكتەن تىس سەزى بارىسىندا پارتيانىڭ ساياسي كەڭەسىنىڭ قۇرامى وزگەردى، دەپ حابارلايدى قازاقپارات ءتىلشىسى.

سەزد بارىسىندا «نۇر وتان» پارتياسىنىڭ اتقارۋشى حاتشىسى اسحات ورالوۆ پارتيا جارعىسىنىڭ 9.1.1. تارماعىنا سايكەس، ساياسي كەڭەستىڭ قۇرامىنا وزگەرىستەر ەنگىزۋ تەك قانا پارتيا سەزىنىڭ قۇزىرەتىنە كىرەتىندىگىن اتاپ ءوتتى.

«سىزدەردىڭ قاراۋلارىڭىزعا پارتيا ساياسي كەڭەسىنىڭ قۇرامىنان پارتيا مۇشەلەرى وسپانبەك السەيىتوۆ پەن نۇرلان نىعماتۋليندى شىعارۋ جانە ولاردىڭ ورنىنا پارتيانىڭ كەلەسى مۇشەلەرىن ەنگىزۋ ۇسىنىلادى: ق ر پرەمەر-ءمينيسترى ءاليحان سمايىلوۆ، ق ر پرەزيدەنتى اكىمشىلىگىنىڭ باسشىسى مۇرات نۇرتىلەۋ، «استانا» مەديتسينا ۋنيۆەرسيتەتىنىڭ رەكتورى قامالجان نادىروۆ، حالىقارالىق «قازاق ءتىلى» قوعامىنىڭ ۆيتسە-پرەزيدەنتى ماكسيم روجين»، - دەدى ول. بۇل ۇسىنىستى سەزد دەلەگاتتارى ءبىراۋىزدان قولدادى.