عالىمجان ءپىرماتوۆ تەڭگە - دوللار جۇبىنىڭ ساۋدا- ساتتىعىن اشۋ نەگە كەيىنگە قالدىرىلعانىن ءتۇسىندىردى

فوتو: None
نۇر- سۇلتان. قازاقپارات – ق ر ۇلتتىق بانك ءتوراعاسى عالىمجان ءپىرماتوۆ ۇكىمەت وتىرىسىندا تەڭگە - دوللار جۇبىنىڭ ساۋدا- ساتتىعىن اشۋ نەگە كەيىنگە قالدىرىلعانىن ءتۇسىندىردى، دەپ حابارلايدى قازاقپارات ءتىلشىسى.

«ۇلتتىق بانك ناقتى ۋاقىت رەجيمىندە جاعدايدىڭ دامۋىن باقىلاپ، رەسەيگە قارسى جاڭا سانكتسيالاردىڭ قازاقستاننىڭ قارجى جۇيەسىنە تيگىزەتىن اسەرىن باعالاپ وتىرادى. 26 جانە 27 اقپاندا ا ق ش جانە ەۋروپا ەلدەرى رەسەيدىڭ جەكەلەگەن بانكتەرىن SWIFT- تەن اجىراتۋ جانە رەسەيدىڭ ورتالىق بانكى اكتيۆتەرىنىڭ جۇمىسىنا تىيىم سالۋ ارقىلى رەسەيدىڭ قارجى سەكتورىنا قاتىستى بۇرىن سوڭدى بولماعان شەكتەۋ شارالارىنىڭ جاڭا توپتاماسى تۋرالى جاريالادى»، - دەدى ۇلتتىق بانك باسشىسى.

اييتۋىنشا، ۇلتتىق بانك رەسەيگە قارسى جاڭا سانكتسيالاردىڭ قازاقستاننىڭ قارجى جۇيەسىنە اسەرىن بارىنشا ازايتۋ ماقساتىندا داعدارىسقا قارسى شارالاردىڭ كەلەسى كەزەڭىن ىسكە اسىرۋعا كىرىسكەن.

«ءبىرىنشى. كەشە سىرتقى نارىقتارداعى جوعارى بەلگىسىزدىك اياسىندا رەسەي ءرۋبلى قۇبىلمالىعىنىڭ جوعارلانعان ىقپالىن الدىن الۋ ماقساتىندا ۇلتتىق بانك تەڭگە - دوللار ۆاليۋتا جۇبى بويىنشا ساۋدا- ساتتىقتى فرانكفۋرتتىق اۋكسيون رەجيمىندە وتكىزۋ تۋرالى شەشىم قابىلدادى. بۇل رەتتە، ارتىق قۇبىلمالىقتى بولدىرماۋ ءۇشىن رەسەي فەدەراتسياسىندا تولىققاندى ساۋدا- ساتتىق تيىسىنشە اشىلىپ، رەسەيدىڭ ورتالىق بانكىنىڭ شارالارى جاريا ەتىلگەنگە دەيىن تەڭگە - دوللار جۇبىمەن ساۋدا- ساتتىقتى اشۋ كەيىنگى قالدىرىلدى»، - دەدى عالىمجان ءپىرماتوۆ.