مايك تايسوننىڭ قاناتتى سوزدەرى
بوكس تاريحىندا ەڭ تانىمال بوكسشىلاردىڭ ءبىرى سانالاتىن ونىڭ جەكپە- جەكتەرىمەن قاتار، ءومىرى دە جۇرتشىلىقتىڭ نازارىن ەرەكشە اۋداردى. الەمگە جويقىن سوققىسىمەن تانىلعان بوكسشىنى ءبارى «تەمىر مايك» دەپ اتاپ كەتتى. ءبىز بۇگىن ايگىلى بوكسشىنىڭ قاناتتى سوزدەرىن نازارلارىڭىزعا ۇسىنباقپىز! اتاقتى سپورتشىنىڭ قاناتتى سوزدەرىن وقىپ، جىگەرىڭىزدى جانىڭىز!
***
ساتسىزدىك ءۇشىن اشۋلانبا. بارلىعى قۇلايدى. تەك بىرەۋلەر تەز تۇرىپ كەتەدى، ال بىرەۋلەر جاتا بەرەدى.
***
ەگەر ادام قۇلاپ، قايتا تۇرسا - بۇل فيزيكا ەمەس، بۇل نامىس.
***
قانشا بيىككە ۇشساڭ دا، كىممەن ۇشقانىڭدى ۇمىتپا!
***
ۇرەي - سەنىڭ ەڭ جاقىن دوسىڭ ءارى ەڭ قاۋىپتى جاۋىڭ. ول وت سياقتى. وتتى باسقارا الساڭ، ول ساعان كومەكتەسەدى. ەگەر ونى باعىندىرا الماساڭ، ول اينالاسىنىڭ بارلىعىن جالماپ، اقىرىندا ءوزىڭدى جاعىپ جىبەرەدى.
***
ومىرىندە ءبىر رەت ساتقىندىق جاساعان ادام ەكىنشى رەت ونى مىندەتتى تۇردە قايتالايدى.
***
ساتقىندىعى ءۇشىن ءبىر رەت كەشىرىلگەن ادام سەنى تاعىدا ساتىپ كەتەدى!
***
قورقىپ نەمەسە تولقىپ تۇرعانىڭدى ءوزىڭ سەزسەڭ دە، باسقاعا ەشقاشان كورسەتۋشى بولما!
***
بيىكتەرگە كوتەرىلسەڭ - دوستارىڭ سەنىڭ كىم ەكەنىڭدى كورەدى. ال، سول بيىكتەن قۇلاساڭ - سەن دوستارىڭنىڭ كىم ەكەنىن كورەسىڭ ...
***
ۇلىلىققا ۇمتىلۋ - دۇنيەدەگى ەڭ كۇشتى ەسىرتكى.
***
ناعىز ەركىندىك - ەش بايلىعىڭ بولماعانداعى ەركىندىك. مەن قالتامدا ءبىر سەنت بولماعان كەزدە قازىرگىدەن الدەقايدا ەركىن بولاتىنمىن.
Massaget.kz