اقمولا وبلىسىندا مەكەمەنىڭ لاۋازىمدى تۇلعاسىنا ۇجىمنىڭ قاتىسۋىمەن ۇكىم جاريالاندى
وندا وبلىستىق مادەنيەت باسقارماسىنىڭ تاريحي- مادەني مۇرانى قورعاۋ جانە پايدالانۋ ورتالىعىنىڭ لاۋازىمدى تۇلعاسىنا قاتىستى بيۋدجەت قاراجاتىن جىمقىرۋ فاكتىسى بويىنشا سىبايلاس جەمقورلىق قىلمىستىق ءىس بويىنشا ۇكىم شىعارىلدى، دەپ حابارلايدى قازاقپارات ءتىلشىسى.
اقمولا وبلىسى بويىنشا سىبايلاس جەمقورلىققا قارسى ءىس-قيمىل دەپارتامەنتى باسپا ءسوز قىزمەتىنىڭ مالىمەتىنشە، سىبايلاس جەمقورلىق ارەكەتتەرىنىڭ سالدارى تۋرالى مەملەكەتتىك قىزمەتشىلەردىڭ ساناسىنا اسەر ەتۋ جانە قايتا سىبايلاس جەمقورلىق قۇقىق بۇزۋشىلىقتارىن جاساۋعا جول بەرمەۋ ماقساتىندا سوتتالۋشىنىڭ ارىپتەستەرى ونلاين رەجيمىندە سوت پروتسەسىن باقىلادى. «سوت بارىسىندا ءوڭىردىڭ سىبايلاس جەمقورلىققا قارسى قىزمەتىنىڭ پريەۆەنتسيا باسقارماسى باسشىسىنىڭ ورىنباسارى ەركىن ءراشيدوۆ ءوز سوزىندە مەملەكەتتىك مەكەمە ۇجىمىن سىبايلاس جەمقورلىققا قارسى ءىس- قيمىل زاڭناماسىنىڭ ماڭىزدى نورمالارى، سىبايلاس جەمقورلىققا قارسى ساياسات تۇجىرىمداماسىنىڭ باعىتتارى جانە جوبالىق باسقارۋ تاسىلدەرى، سونداي-اق سىبايلاس جەمقورلىق فاكتىلەرى تۋرالى حابارلاعانى ءۇشىن كوتەرمەلەۋ جۇيەسى تۋرالى حاباردار ەتە وتىرىپ، سىبايلاس جەمقورلىققا قارسى شەكتەۋلەردى، پاراساتتىلىق قاعيداتتارىن جانە ەتيكالىق نورمالاردى مۇلتىكسىز ساقتاۋعا شاقىردى»، - دەدى ۆەدومستۆونىڭ باسپا ءسوز قىزمەتىنەن.
وبلىستىق مادەنيەت باسقارماسىنىڭ تاريحي-مادەني مۇرانى قورعاۋ جانە پايدالانۋ ورتالىعىنىڭ لاۋازىمدى تۇلعاسىنا قاتىستى بيۋدجەت قاراجاتىن جىمقىرۋ فاكتىسى بويىنشا سىبايلاس جەمقورلىق قىلمىستىق ءىس بويىنشا ۇكىم شىعارىلدى. كىنالىگە ايىپپۇل تۇرىندە جازا قولدانىلدى. ۇكىم زاڭدى كۇشىنە ەنگەن جوق.