بارشانىڭ نازارىنا! قازاقستان بويىنشا دابىل قاعىلادى
وسى ۋاقىتتا تەليەۆيزيالىق جانە راديوارنالاردىڭ ەفيرىندە حابارلاما تاراتىلادى. جىل سايىن دۇنيەجۇزىلىك ازاماتتىق قورعانىس كۇنى اياسىندا وسى ءىس- شارانىڭ وتەتىندىگىن توتەنشە جاعدايلار مينيسترلىگىنىڭ اقپاراتتاندىرۋ، سيفرلاندىرۋ جانە بايلانىس دەپارتامەنتى حابارلادى.
ۆەدومستۆو قاۋىپتى وندىرىستىك نىساندار مەن گيدروتەحنيكالىق قۇرىلىمدارداعى جەرگىلىكتى قۇلاقتاندىرۋ جۇيەلەرىنىڭ جارامدىلىعىن تەكسەرمەك.
تالعات ءۋالي، ق ر ت ج م رەسمي وكىلى:
- «بارشانىڭ نازارىنا!» دىبىستىق سيگنالى - بۇل قاۋىپ تونگەندە نەمەسە توتەنشە جاعداي تۋىنداعان كەزدە بارلىق شۇعىل حابارلامالاردى بەرۋدىڭ الدىن- الا ەسكەرتۋ قۇرالى. دىبىستىق سيگنالدى ەستىگەن سوڭ، تەلەديدارلار مەن راديوقابىلداعىشتاردى قوسىپ، ورىن العان جاعدايدا ودان ءارى ارەكەت ەتۋ بويىنشا نۇسقاۋلىق الۋ ءۇشىن سايتتار مەن ءموبيلدى قوسىمشالارداعى اقپاراتتى وقىپ شىعۋ قاجەت.