بۇل جايىندا پارتيانىڭ اتقارۋشى حاتشىسى اسحات ورالوۆ ءمالىم ەتتى.
«بۇگىن Nur Otan پارتياسىنىڭ ساياسي كەڭەسى بيۋروسىنىڭ قاۋلىسىمەن 28 - اقپاندا ساياسي كەڭەستىڭ وتىرىسىن وتكىزۋ تۋرالى شەشىم قابىلداندى. وندا پارتيانىڭ كەزەكتەن تىس XXII سەزىنىڭ كۇن ءتارتىبى بەكىتىلەدى. سونداي- اق، ساياسي كەڭەس بيۋروسىنىڭ قاۋلىسىمەن Nur Otan پارتياسىنان پارلامەنت ءماجىلىسى دەپۋتاتىنىڭ بوس مانداتى پارتيالىق ءتىزىم بويىنشا ساياسات نۇربەككە بەرىلۋ تۋرالى شەشىم قابىلداندى» دەپ جازدى ول Facebook پاراقشاسىندا.
ءتيىستى شەشىم ق ر ورتالىق سايلاۋ كوميسسياسىنا جىبەرىلدى.