قازاقستاندا ءبىرقاتار سپورتتا باس جاتتىقتىرۋشىلار قىزمەتتەن كەتۋى مۇمكىن

بۇل تۋرالى قر مادەنيەت جانە سپورت ءمينيسترى داۋرەن ابايەۆ ءمالىم ەتتى، دەپ حابارلايدى قازاقپارات ءتىلشىسى.

«ناتيجە ءۇشىن باس جاتتىقتىرۋشى جاۋاپ بەرەدى. ناتيجە تاعايىندالعاننان كەيىن 2-3 جىلدان كەيىن بولۋى كەرەك. ال بىزدە 10 جىل بويى باس جاتتىقتىرۋشى بولىپ، ەش ناتيجە كورسەتپەيتىندەر بار. سوندىقتان كەيبىر باس جاتتىقتىرۋشىلاردىڭ قىزمەتتەن كەتكەنى ابزال. بۇل - زاڭدى قۇبىلىس. وسى ورايدا بىرنەشە سپورت ءتۇرى بويىنشا باس جاتتىقتىرۋشىلاردىڭ قىزمەتىن قايتا قاراۋدى تاپسىرامىن. ايتالىق، شاڭعى جارىسى، بياتلون، فريستايل- اكروباتيكا، ترامپليننەن شاڭعىمەن سەكىرۋ سەكىلدى سپورت تۇرلەرى»، - دەدى داۋرەن ابايەۆ چۋچينسكىدە وتكەن XXIV قىسقى وليمپيادا ويىندارىنىڭ قورىتىندىسىنا ارنالعان كەڭەيتىلگەن وتىرىستا.

ءمينيستردىڭ ايتۋىنشا، كەلەسى وليمپياداعا دايىندىقتى بۇگىننەن باستاۋ كەرەك.

«توكيو جانە بەيجىڭ وليمپياداسى ناتيجەسىندە وتاندىق سپورتتىڭ شاما- شارقىن كوردىك. ەندىگى شارۋا شۇعىل شەشىم قابىلداپ، وليمپياداعا دايىندىقتى ودان ءارى جالعاستىرۋ. ەرتەڭ ەمەس بۇگىننەن باستاپ قولعا قاجەت»، - دەيدى ول.

بۇعان دەيىن ۆەدومستۆو باسشىسى بەيجىڭ وليمپياداسىنىڭ قورىتىندىسىنا قاتىستى تۇسىنىك بەردى. سونداي- اق، د. ابايەۆ سپورت تورەشىلەرىنىڭ جالاقى پروبلەماسىن كوتەردى.

اۆتور: ءالي يبرايەۆ