قازاق زيالىلارى «الاش قايراتكەرلەرى» ەسكەرتكىشىنە گۇل شوقتارىن قويدى
وسى سالتاناتتى ءراسىم احمەت بايتۇرسىن ۇلىنىڭ 150 جىلدىق مەرەيتويىن مەرەكەلەۋگە ارنالىپ ۇيىمداستىرىلدى، دەپ حابارلايدى قازاقپارات ءتىلشىسى.
بۇل راسىمگە ق ر مەملەكەتتىك حاتشىسى ەرلان قارين، نۇر- سۇلتان قالاسىنىڭ اكىمى التاي كولگىنوۆ، زيالى قاۋىم وكىلدەرى، قازاقستان جازۋشىلار وداعىنىڭ ءتوراعاسى ۇلىقبەك ەسداۋلەت، ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ قاتىستى.
ايتا كەتەيىك، اللەيا ماڭىندا شاعىن كىتاپحانا ورنالاسقان، وندا ا. بايتۇرسىن ۇلىنىڭ ەڭبەكتەرى جانە باسقا دا قازاق جازۋشىلارىنىڭ شىعارمالى كوپشىلىك نازارىنا ۇسىنىلدى.
«ورتالىقتاندىرىلعان كىتاپحانالار جۇيەسى احمەت بايتۇرسىن ۇلىنىڭ 150 جىلدىق مەرەيتويىنا وراي ءبىرقاتار ءىس- شارالاردى جوسپارلادى. بۇل رەتتە كورمەلەر، كونفەرەنسيالار، مەكتەپ وقۋشىلارى اراسىندا شىعارما جازۋ ەسكەرىلگەن. بۇگىن «الاش قايراتكەرلەرى» ەسكەرتكىشىنە گۇلشوقتارىن قويۋ راسىمىنە قاتىستىق. سونىمەن قاتار قازاق زيالى قاۋىمى ەڭبەكتەرىنىڭ كورمەسىن دە ۇيىمداستىردىق. ءبىزدىڭ كىتاپحانا وتكەن جىلى اشىلعان ەدى. جالپى بىزدە قالا بويىنشا 18 كىتاپحانا قامتىلعان. بۇگىنگى كورمەدە ءتۇرلى كىتاپحانادان جەتكىزىلگەن شىعارمالار مەن كىتاپتاردى كورۋگە بولادى»، - دەدى نۇر- سۇلتان قالالىق ورتالىقتاندىرىلعان كىتاپحانالار جۇيەسىنىڭ ديرەكتورى گۇلبادان ماديبايەۆا.
بۇدان بۇرىن حابارلانعانداي، ەلوردادا احمەت بايتۇرسىن ۇلىنىڭ 150 جىلدىعىنا ارنالعان حالىقارالىق عىلىمي- پراكتيكالىق كونفەرەنتسيا باستالدى.
«حالقىمىز ءوزىنىڭ تاريحىندا ەرەكشە ورىنى بار ەكى تۇلعانى «ۇلت ۇستازى» دەپ ارداقتاعان. الدىمەن، ارينە، ۇلى ابايدى ايتامىز. ودان كەيىن احمەت بايتۇرسىن ۇلىنىڭ ەسىمى اتالادى. الاش كوسەمى، قازاقتىڭ ءبىرتۋار پەرزەنتى احمەت بايتۇرسىن ۇلىنىڭ تۋعانىنا بيىل 150 جىل تولىپ وتىر. بۇل مەرەيتويدى يۋنەسكو دەڭگەيىندە اتاپ وتەمىز. تاۋەلسىزدىك ۇلتىمىزدىڭ جادىن جاڭعىرتىپ، تاريحي تامىرىمىزدان قايتادان ءنار الۋىمىزعا جول اشتى. بۇل رەتتە ۇلت ۇستازىنىڭ ەڭبەگىن زەردەلەپ، ونى مول مۇراسىن ۇرپاق ساناسىنا ءسىڭىرۋ بارشامىزعا ورتاق مىندەت»، - دەدى مەملەكەتتىك حاتشى ە. قارين.
اۆتور: رۋسلان عابباسوۆ