قاڭتار تراگەدياسى: ادام قۇقىقتارى جونىندەگى ۋاكىل ازاماتتار ەڭ كوپ قاماۋدا وتىرعان قالالاردى اتادى
14:12, 22 - اقپان 2022
نۇر-سۇلتان. قازاقپارات - قازاقستانداعى ادام قۇقىقتارى جونىندەگى ۋاكىل ەلۆيرا ءازىموۆا قاڭتار وقيعاسىنا بايلانىستى ازاماتتار ەڭ كوپ قاماۋدا وتىرعان قالالاردى اتادى، دەپ حابارلايدى قازاقپارات ءتىلشىسى.
«قازىر ۇستالعان ازاماتتاردىڭ باسىم كوپشىلىگىنىڭ قورعاۋشىلارى بار. مەن اتاعان قادامداردىڭ ءبارى قاجەتتى. ويتكەنى قۋدالاۋ تۋرالى بايبالام مالىمەتتەر مەن قورقىنىش ءالى ساقتالىپ وتىر. ۇلتتىق الدىن الۋ مەحانيزمىنىڭ وڭىرلىك توپتارى 118 رەت قاماۋ ورىندارىنا بارعان»، - دەدى ادام قۇقىقتارى جونىندەگى ۋاكىل.
ونىڭ مالىمەتى بويىنشا، مونيتورينگ ەلدەگى بۇكىل تەرگەۋ جانە ۋاقىتشا ۇستاۋ يزولياتورلارىندا، قابىلداۋ- تاراتۋ عيماراتتارىندا جۇرگىزىلگەن.
«قۇقىق قورعاۋشى جەمىس تۇرماعامبەتوۆامەن قاتار ءبىز ازاماتتار ەڭ كوپ قاماۋدا وتىرعان مەكەمەلەرگە بارىپ ءجۇرمىز. بۇل - الماتى، تالدىقورعان. شىمكەنت، تاراز، قىزىلوردا، وسكەمەن، اتىراۋ جانە سەمەي قالاسىنداعى ۋاقىتشا ۇستاۋ يزولياتورى»، - دەدى ەلۆيرا ءازىموۆا.
اۆتور: ەسىمجان ناقتىباي