جاڭاشىل ۇستاز نۇرباي نۇرساپا حيميا پانىنەن وقۋشىلاردى ۇ ب ت-عا تەگىن دايىندايدى
ول نۇر- سۇلتان قالاسىنداعى №66 مەكتەپ- ليتسەيدە حيميا پانىنەن ساباق بەرەدى، سونىمەن قاتار وقۋشىلاردى وليمپيادالارعا جانە ۇلتتىق ءبىرىڭعاي تەستىلەۋگە دايىندايدى. جاس پەداگوگ ساباقتان تىس ۋاقىتىندا ءوزىنىڭ YouTube جانە Telegram ارنالارىندا تىكەلەي ەفيردە بەينەساباقتار جۇرگىزەدى. ونلاين ساباقتار YouTube-تە 50 مىڭ ساعاتقا جۋىق قارالىم جينادى، ۇستازدىڭ كانالى مەن الەۋمەتتىك جەلىلەردەگى پاراقشالارىندا وقىرماندارى كۇن ساناپ ارتىپ كەلەدى. اسىرەسە، ونلاين ساباقتارعا اۋىل تۇلەكتەرى ۇلكەن قىزىعۋشىلىق تانىتۋدا.
«الەۋمەتتىك جەلىلەردە ۆيدەوساباقتار وتكىزۋدەگى باستاپقى ماقساتىم اۋىلداعى مەكتەپ وقۋشىلارىن ۇ ب ت-عا تەگىن ءارى ءتيىمدى دايىنداۋعا كومەكتەسۋ بولدى. سەبەبى اۋىلدا جەكە دايىنداۋشىمەن جۇمىس ىستەۋ، ارنايى دايىندىق كۋرستارىنا قاتىسۋ كوپ جاعدايدا مۇمكىن ەمەس. ەڭ ۇزاق تىكەلەي ەفير 7 ساعاتتان استام ۋاقىتقا سوزىلدى، وسى ۋاقىت ىشىندە وقۋشىلارمەن ۇ ب ت-داعى ەڭ قيىن 100 تاپسىرمانى شەشتىك. مەنىڭ ساباقتارىمدى ەلىمىزدىڭ ءار وڭىرىنەن مەكتەپ وقۋشىلارى تاماشالاپ، حيميا پانىنەن تەرەڭىرەك ءبىلىم الىپ جاتقانى قۋانتادى. شاكىرتتەرىمنىڭ اراسىندا ەلىمىزدىڭ جەتەكشى جوعارى وقۋ ورىندارىنا، شەتەلدىڭ جوعارى وقۋ ورىندارىنا گرانتپەن وقۋعا تۇسكەندەرى كوپ»، - دەيدى نۇر-سۇلتان قالاسىنداعى №66-مەكتەپ-ليتسەيىنىڭ حيميا ءپانىنىڭ مۇعالىمى نۇرباي نۇرساپا.
بەينەساباقتار ارقىلى جاس مۇعالىم كۇردەلى فورمۋلالاردى وڭاي ءارى ۇعىنىقتى تۇسىندىرەدى، قىزىقتى حيميالىق تاجىريبەلەر وتكىزەدى جانە ستۋدەنتتەرگە ءارتۇرلى ەسەپتەردى شىعارۋعا كومەكتەسەدى. سونداي-اق نۇرباي نۇرساپا ءوز مەكتەبىنىڭ وقۋشىلارىن حيميا پانىنەن وليمپيادالارعا دايىندايدى. ونىڭ شاكىرتتەرى 8 رەت رەسپۋبليكالىق ءپان وليمپياداسىنىڭ جەڭىمپازى اتانىپ، التىن، كۇمىس، قولا مەدالداردى يەلەندى.
«نۇرباي نۇرساپا وتە ساۋاتتى، كاسىبي بىلىكتى ۇستاز. بۇرىن ۇلىم امىربەك باقداۋلەت تەك سپورتتىق جارىستارعا قىزىعۋشىلىق تانىتسا، نۇرباي نۇرساپا حيميا پانىنەن ساباق بەرە باستاعالى جاراتىلىستانۋ پاندەرىنە قىزىعا باستادى. ناتيجەسىندە ۇلىم 9-سىنىپتا رەسپۋبليكالىق حيميا ءپانى وليمپياداسىنىڭ كۇمىس جۇلدەگەرى اتاندى. ەندى ول كەلەسى جارىسقا دايىندالىپ جاتىر. مەن ۇلىمنىڭ وسىنداي تاماشا ۇستازى بارىنا قۋانىشتىمىن جانە بالالاردىڭ بىلىمگە دەگەن سۇيىسپەنشىلىگىن وياتقانى ءۇشىن تالانتتى مۇعالىمگە العىس ايتامىن»، - دەيدى اتا-انا جانىبەك ۋستايەۆ.
«نۇرباي نۇرساپا بالالاردى ءتۇرلى زياتكەرلىك سايىستارعا دايىنداپ قانا قويماي، ءوزى دە ۇستازدار اراسىنداعى سايىستارعا بەلسەندى قاتىسىپ، جۇلدەلى ورىنداردى يەلەنۋدە. ول قالالىق، رەسپۋبليكالىق، حالىقارالىق بايقاۋلاردىڭ جەڭىمپازى. سونداي-اق جاڭاشىل ۇستاز وزگە ارىپتەستەرىمەن ءوزىنىڭ تاجىريبەسىمەن قۋانا بولىسەدى. حيميا ءپانى مۇعالىمدەرىنە وقۋ-ادىستەمەلىك قۇرالدار ازىرلەپ، وقۋ ۆەبينارلارىن وتكىزەدى. نۇرباي نۇرساپا زياتكەرلىك وليمپياداعا قاتىسۋشىلارعا ارنالعان حيميادان ەسەپتەر جيناعىن دا شىعاردى»، - دەلىنگەن ق ر ءبىلىم جانە عىلىم مينيسترلىگىنىڭ باسپا ءسوز قىزمەت تاراتقان اقپاراتتا.