پرەمەر- مينيستر: ازىق- تۇلىك باعاسىن تىكەلەي ۇكىمەت رەتتەمەۋى كەرەك
ەلوردادا ءوتىپ جاتقان «اتامەكەن» ۇلتتىق كاسىپكەرلەر پالاتاسىنىڭ كەزەكتەن تىس Ⅸ سەزىندە حالىق ءجيى تۇتىناتىن تاۋارلاردىڭ باعاسىن رەتتەۋ، تۇراقتاندىرۋ ماسەلەسى كوتەرىلدى.
«ۇلتتىق پالاتا مەن بيزنەس حالىقتىڭ الەۋمەتتىك وسال توپتارىنا كومەك كورسەتۋ كەرەكتىگىمەن كەلىسەدى. ءبىراق، ازىق- تۇلىكتىڭ باعاسىن اكىمشىلىك جولمەن ۇستاۋ، ماسەلەنى شەشۋدىڭ وڭ جولى ەمەس. ياعني باعانى رەتتەۋدە ونى ارزانداتا ءتۇسۋ قىمباتشىلىق پروبلەماسىن شەشپەيدى»، - دەدى «اتامەكەن» ۇ ك پ- نىڭ باسقارما مۇشەسى ەربول وستەمىروۆ سەزدە سويلەگەن سوزىندە.
ونىڭ ايتۋىنشا، مۇنداي جاعدايدا كاسىپكەرگە باعانى تۇسىرۋدەن گورى، تاۋاردى وندىرۋدەن باس تارتۋ وڭايعا تۇسەدى.
«بيزنەس قاۋىمداستىق الەۋمەتتىك ماڭىزى بار تاۋارلاردىڭ باعاسىن تىكەلەي رەتتەۋدەن باس تارتۋدى سۇرايدى. بولشەك ساۋداداعى باعا نارىق رەتتەۋى ءتيىس»، - دەيدى ول.
اتالعان ماسەلەگە قاتىستى ۇكىمەت باسشىسى ءاليحان سمايىلوۆ پىكىر ءبىلدىردى. «مەن كەلىسەمىن، باعانى تىكەلەي ۇكىمەت رەتتەمەۋى كەرەك. بىزدە وتكەن جىلى قابىلدانعان زاڭ بار. وعان سايكەس ۇكىمەت ساۋدا مارجاسىنىڭ تەك % 15- عا باقىلاۋ جۇرگىزە الادى. ءبىز تەك سول زاڭ نورمالارىنىڭ ورىندالۋىن باقىلايتىن بولامىز»، - دەپ جاۋاپ بەردى پرەمەر- مينيستر.
اۆتور: ءالي يبرايەۆ