قاسىم-جومارت توقايەۆ: قازاقتاردىڭ تاعدىرىن تەك ءوزىمىز عانا شەشەمىز
21:56, 17 - اقپان 2022
نۇر-سۇلتان. قازاقپارات - مەملەكەت باسشىسى قازاقستان حالقىنا اماندىق تىلەپ، ەل تاعدىرىن ءوز قولىمىزدا ەكەنىن ەسكە سالدى، دەپ حابارلايدى قازاقپارات ءتىلشىسى.
ق ر پرەزيدەنتى قاسىم-جومارت توقايەۆتىڭ Qazaqstan ۇلتتىق تەلەارناسىنا بەرگەن سۇحباتى سوڭىندا قازاقستان حالقىنا، كورەرمەندەرگە، جۇرتشىلىققا نە ايتاسىز؟ دەگەن ساۋال قويىلدى.
«راسىندا، بۇگىن جاقسى، مازمۇندى سۇحبات بولدى دەپ ويلايمىن. حالىققا ايتارىم، بۇل دۇنيەدە قازاقتاردىڭ تاعدىرىن تەك ءوزىمىز عانا شەشەمىز. ءبىز ءۇشىن جالعىز عانا مەملەكەت بار، بۇل - قازاقستان. بۇل - ءبىزدىڭ قاسيەتتى وتانىمىز. باسقا وتانىمىز جوق. وتانىن قورعاۋ، حالقىنىڭ اماندىعىن ساقتاۋ - ءار ازاماتتىڭ بورىشى. وسىنى ۇمىتپاۋىمىز كەرەك. قازاق ەلى جاساي بەرسىن!»، - دەدى مەملەكەت باسشىسى.