پرەزيدەنت: اكىمدەردىڭ جۇمىسىنا جان-جاقتى تالداۋ جاسالادى
سۇحبات بارىسىندا ءتىلشى بولىپ جاتقان كادرلىق وزگەرىستەر جايىندا سۇرادى.
«ءبىراق اكىمدەردىڭ باسىم كوپشىلىگى ءالى ورنىندا وتىر. ولاردىڭ جاعدايى قالاي بولماق؟ الداعى ۋاقىتتا وبلىس اكىمدەرى سايلانا ما؟» دەپ سۇراق قويدى ءتىلشىسى.
وسى ورايدا پرەزيدەنت ءتيىستى وزگەرىستەر بولاتىنىن اتاپ ءوتتى.
«جالپى ايتقاندا، كادرلىق اۋىس-ءتۇيىس - ۇزدىكسىز جالعاسا بەرەتىن ۇدەرىس. لاۋازىم ماڭگىلىك دۇنيە ەمەس. جۇمىستىڭ جاڭا تالابىنا يكەمدەلە الماعان ادامدار قىزمەتتەن كەتۋگە ءماجبۇر بولادى. ولاردىڭ ورنىن جاڭا كادرلار باسادى. اكىمنىڭ ءبارىن اۋىستىرۋ مەنىڭ نەگىزگى ماقساتىم ەمەس. اكىمدەردىڭ جۇمىسىنا جان-جاقتى تالداۋ جاسالادى. نەگىزگى تالاپ - ازاماتتاردىڭ ءال-اۋقاتىن ارتتىرۋ. سوندىقتان قاجەتتىلىك بولسا، ءتيىستى كادرلىق شەشىمدەردى قابىلدايمىن. مىندەتتى تۇردە وزگەرىستەر بولادى»، - دەدى مەملەكەت باسشىسى «مەن 2020-جىلى حالىققا جولداۋىمدا العاش رەت اۋىل اكىمدەرىن سايلاۋ تۋرالى ايتتىم. كوپ ۇزاماي اۋىل اكىمدەرىن سايلادىق. بىلتىرعى جولداۋىمدا «كەلەسى قادام - اۋدان اكىمدەرىنىڭ سايلاۋى» دەپ ايتتىم. ونى 2024 -جىلى وتكىزەمىز. بالكىم، پيلوتتىق جوبا رەتىندە كەلەسى جىلدان باستاساق، ورىندى بولار»، - دەدى قاسىم-جومارت توقايەۆ.