كولىكتى ساقتاندىرۋ سالاسىندا بيىل قانداي وزگەرىستەر بولادى

نۇر- سۇلتان. قازاقپارات - حالىقارالىق پراكتيكادا ساقتاندىرۋ جاعدايىن رەتتەۋدىڭ جەڭىلدەتىلگەن ءتارتىبى كەڭ تارالعان. ول ەۋروحاتتاما رەتىندە بارشاعا بەلگىلى.

قازىرگى كەزدە ەۋروحاتتاما ەۋروپانىڭ كوپتەگەن ەلدەرىندە جانە ت م د- نىڭ رەسەي، بەلارۋس، ۋكراينا، ارمەنيا، وزبەكستان سياقتى ءبىرقاتار ەلدەرىندە ۇسىنىلعان، دەپ حابارلايدى قازاقپارات.

قارجى نارىعىن رەتتەۋ جانە دامىتۋ اگەنتتىگى تاراتقان مالىمەتكە سەنسەك، ەۋروحاتتاماعا سايكەس جول- كولىك وقيعاسى (ج ك و) تۋرالى قۇجاتتار جەڭىلدەتىلگەن تۇردە رەسىمدەلەدى، ونداي رەسىمدەۋ جول پوليتسياسىنىڭ قىزمەتكەرلەرى قاتىسپاي جانە سوت شەشىمى شىعارىلماي جۇزەگە اسىرىلادى.

بۇگىنگى كۇنى جولداردا زارداپ شەككەن ادامدارسىز جانە ج ك و قاتىسۋشىلارى بولىپ تابىلمايتىن تۇلعالاردىڭ مۇلكىنە زيان كەلتىرمەستەن كوپتەگەن ەلەۋسىز ج ك و ورىن الۋدا. ساقتاندىرۋ تولەمىن الۋ ءۇشىن ج ك و قاتىسۋشىلارى جول پوليتسياسى قىزمەتكەرلەرىنىڭ كەلۋىن كۇتەدى، حاتتامالاردى تولتىرادى جانە سوت شەشىمىن كۇتەدى. كوبىنەسە بۇل پروتسەسس ەكى ايعا جۋىق ۋاقىتتى الادى. ساقتاندىرۋ نارىعىن دامىتۋ جونىندەگى زاڭ جوباسىن قاراۋ بارىسىندا ءماجىلىس دەپۋتاتتارى ەۋروحاتتاما قاعيداتى بويىنشا ۇساق ج ك و كەزىندە ساقتاندىرۋ تولەمىن الۋ ءتارتىبىن جەڭىلدەتۋ تۋرالى ماسەلەنى كوتەردى.

ءماجىلىس دەپۋتاتتارى ق ر قارجى نارىعىن رەتتەۋ جانە دامىتۋ اگەنتتىگىمەن جانە باسقا دا مۇددەلى مەملەكەتتىك ورگاندارمەن بىرلەسىپ، قازاقستاندا ەۋروحاتتامانى ەنگىزۋ ءۇشىن قاجەتتى زاڭنامالىق نورمالاردى دايىنداۋ جۇمىستارىن جۇرگىزدى. ساقتاندىرۋ جاعدايىن رەتتەۋدىڭ قولدانىستاعى تارتىبىمەن قاتار:

- ج ك و ەكى كولىك قۇرالىنىڭ سوقتىعىسۋى ناتيجەسىندە ورىن العان؛

- ج ك و ناتيجەسىندە ج ك و قاتىسۋشىلارىنىڭ كولىك قۇرالدارىنا عانا زيان كەلتىرىلگەن (ءومىرى مەن دەنساۋلىعىنا زيان كەلتىرىلگەن جابىرلەنۋشىلەر بولماعان كەزدە ءۇشىنشى تۇلعالاردىڭ مۇلكى زارداپ شەكپەگەن)؛

- ج ك و قاتىسۋشىلارىندا ساقتاندىرۋ پوليسى بولعان؛

- ج ك و- عا قاتىسۋشىلاردا ج ك و- عا كىنالىنى انىقتاۋ ماسەلەسىندە كەلىسپەۋشىلىك بولماعان؛

- ج ك و- نى رەسىمدەۋ سوت شەشىمىنسىز جانە ىشكى ىستەر ورگاندارى قىزمەتكەرلەرىنىڭ قاتىسۋىنسىز جۇزەگە اسىرىلعان؛

- ساقتاندىرۋ تولەمى ءبىر ساقتاندىرۋ جاعدايى بويىنشا 100 ا ە ك شەگىندە جۇزەگە اسىرىلعان جاعدايلاردا ەۋروحاتتامانى قولدانۋ بولجانادى.

وسىلايشا، بۇل ءراسىم ج ك و- نى رەسىمدەۋ جانە زارداپ شەككەن ادامداردىڭ ساقتاندىرۋ تولەمىن الۋ مەرزىمىن ايتارلىقتاي قىسقارتادى. ج ك و- نى رەسىمدەۋ ج ك و- نىڭ قاتىسۋشىلارى قانداي ساقتاندىرۋ كومپانياسىندا ساقتاندىرىلعانىنا قاراماستان ءبىرىڭعاي ساقتاندىرۋ دەرەكقورىنىڭ موبيلدىك قوسىمشاسىن پايدالانۋ ارقىلى جۇزەگە اسىرىلاتىن بولادى. ەۋروحاتتامانى ەنگىزۋ ساقتاندىرۋ تولەمدەرىن الۋ ءراسىمىن جەڭىلدەتۋگە، ءبىرىڭعاي موبيلدىك قوسىمشانى پايدالانا وتىرىپ بۇكىل پروتسەستى سيفرلاندىرۋدى قامتاماسىز ەتۋگە، ج ك و- نى رەسىمدەۋ كەزىندە جولداردا كەپتەلىستەردىڭ پايدا بولۋ سانىن ازايتۋعا مۇمكىندىك بەرەدى.