بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.
اسكەري پسيحولوگتار كاسىبي دەڭگەيىن جەتىلدىرۋدە ۇجىمدىق قاۋىپسىزدىك تۋرالى شارت ۇيىمى بىرىككەن شتابىنىڭ باستىعى گەنەرال-پولكوۆنيك اناتولي سيدوروۆ بريفينگ وتكىزدى.
بەينەكونفەرەنتسيا بايلانىسى رەجيمىندە ۇيىمداستىرىلعان بريفينگىدە ۇ ق ش ۇ- عا مۇشە ەلدەر قورعانىس ۆەدومستۆولارىنىڭ وكىلدەرى قاتىستى.
بريفينگ بارىسىندا 2021-جىلعى ۇجىمدىق قاۋىپسىزدىك تۋرالى شارت ۇيىمىنىڭ قىزمەتى قورىتىندىلاندى.
بىرلەسكەن ءىس-شارالاردا ۇ ق ش ۇ جاۋاپتى ايماقتاردا داعدارىستىق جاعدايلارعا دەن قويۋ تەتىكتەرىن جەتىلدىرۋدە دە، ولاردى شەشۋگە ۇيىمنىڭ اسكەرلەرىن (ۇجىمدىق كۇشتەرىن) قولدانۋدا دا وتە اۋقىمدى مىندەتتەر پىسىقتالعانى اتاپ ءوتىلدى.
ودان وزگە ۇلتتىق كونتينگەنتتەردىڭ ۇجىمدىق قاۋىپسىزدىككە تونەتىن سىن-تەگەۋرىندەردى بەيتاراپتاندىرۋ تاپسىرمالارىن بىرلەسىپ ورىنداۋ دايىندىعى دا كورسەتىلدى.
ءمالىم ەتىلگەندەي، 2022-جىلعا ارنالعان ۇجىمدىق قاۋىپسىزدىك تۋرالى شارت ۇيىمىنىڭ جوسپارىندا بىرلەسىپ وتۋگە ءتيىستى ءبىرقاتار شارا بار.
«ونىڭ ىشىندە قازاقستان رەسپۋبليكاسىنىڭ اۋماعىندا بارلاۋ كۇشتەرى جانە قۇرالدارىنىڭ «ىزدەۋ-2022» ارنايى وقۋ-جاتتىعۋىن، «ەشەلون-2022» ماتەريالدىق- تەحنيكالىق قامتاماسىز ەتۋ كۇشتەرى جانە قۇرالدارى اراسىنداعى ارنايى وقۋ-جاتتىعۋىن، ۇجىمدىق قاۋىپسىزدىكتىڭ ورتالىق ازيا وڭىرىندەگى داعدارىستىق جاعدايدى رەتتەۋ تاپسىرمالارىن پىسىقتايتىن ۇ ق ش ۇ ۇجىمدىق جەدەل دەن قويۋ كۇشتەرى اراسىنداعى «ءوزارا ءىس-قيمىل-2022» كوماندالىق-شتابتىق وقۋ-جاتتىعۋىن وتكىزۋ جوسپارلانۋدا»، - دەلىنگەن ۆەدومستۆو حابارلاماسىندا.
بريفينگ بارىسىندا ۇ ق ش ۇ فورماتىنداعى اسكەري ىنتىماقتاستىقتىڭ ايرىقشا قورعانىس سيپاتى اتاپ وتىلگەن.