«تاليبان» بيلىگى (قازاقستاندا تىيىم سالىنعان ۇيىم) بريتانيالىق «سكاي نيۋز» تەلەارناسىنا وسىنداي بىرنەشە مەكەمەگە كىرۋگە جانە جازاسىن وتەۋشىلەرمەن تىلدەسۋگە رۇقسات بەرگەن. ءتىپتى سوتتالعاندار نە ءۇشىن وتىرعانىن بىلمەيدى. ولار شەتەلدىك جۋرناليستەرگە سوت- تەرگەۋ ءىسى مۇلدە بولماعانىن، اباقتىدا ەشقانداي جاعداي جاسالماعانىن جانە ادام قۇقىقتارى ساقتالمايتىنىن ايتىپ، شاعىمدانعان. ءبىر كامەراعا 40 ادامعا دەيىن قامالعان. اۋعانستاندا 1 اي بۇرىن ادىلەت جۇيەسى جويىلىپ، ونىڭ ورنىنا شاريعات زاڭى ورناعان ەدى.
ەڭ وكىنىشتىسى، تۇرمەدە وتىرعاندار اراسىندا بالالار دا بار. كوبى ۇساق- تۇيەك قىلمىسى ءۇشىن ۇزاق مەرزىمگە سوتتالعان. وسىنىڭ الدىندا بىرىككەن ۇلتتار ۇيىمى «تاليبان» جۇزدەن استام بۇرىنعى شەنەۋنىكتى ءولىم جازاسىنا كەسكەنىن حابارلاعان بولاتىن.
جازاسىن وتەۋشى:
- بۇل جەردە وتىرعانداردىڭ باسىم بولىگى - بۇرىنعى ۇكىمەتتىڭ ادامدارى. تۇرمەدە قانداي سەبەپپەن وتىرعانىمىزدى بىلمەيمىز. بۇرىنعى بيلىكتىڭ كەيبىر قىزمەتكەرلەرى ۇشتى- كۇيلى جوعالىپ تا كەتتى.
گەرات تۇرعىنى:
- قازىرگى بيلىك حالىقارالىق زاڭنامانى جانە ادام قۇقىقتارىن ساقتاۋى ءتيىس. كوڭىلىمىز بارلىق نارسەگە الاڭدايدى
www.24.kz