مۇعالىمدەردى جۇمىسقا قابىلداۋ ءتاسىلى وزگەرەدى - مينيستر

بۇل جاڭاشىلدىق تۋرالى ق ر ءبىلىم جانە عىلىم ءمينيسترى اسحات ايماعامبەتوۆ Facebook پاراقشاسىندا جازدى، دەپ حابارلايدى قازاقپارات ءتىلشىسى.

جازبادا مينيستر پەداگوگتەردى جۇمىسقا قابىلداۋ ديرەكتورلاردىڭ جەكە دارا قالاۋى بويىنشا ىسكە اسپايتىنىن ەسكە سالدى.

«ەندى ناقتى كريتەريلەر بەلگىلەنىپ، مۇعالىمدەر جۇمىسقا قىزمەتىنىڭ ناتيجەسى مەن جەتىستىكتەرى نەگىزىندە كونكۋرس ارقىلى ورنالاسادى. بيىل بۇل ءراسىم سيفرلىق فورماتقا كوشىرىلەدى»، - دەيدى ۆەدومستۆو باسشىسى.

ونىڭ ايتۋىنشا، 2021 -جىلى پەداگوگتەردەن باسى ارتىق ەسەپتەر سۇراتىپ، مۇعالىمدى كاسىبي مىندەتىنە كىرمەيتىن جۇمىستارعا تارتقان جۇزدەگەن باسشى مەن لاۋازىمدى تۇلعا جازالانعان.

«وتكەن جىلى العاش رەت ەرەكشە قاجەتتىلىكتەرى بار بالالارمەن جۇمىس ىستەيتىن پەداگوگ- اسسيستەنت قىزمەتى ەنگىزىلدى. بۇگىندە ەلىمىزدەگى مەكتەپتەردە وسىنداي 1200 مۇعالىم جۇمىس ىستەيدى. بۇل - ينكليۋزيۆتى ءبىلىم بەرۋدى دامىتۋ بويىنشا ماڭىزدى شارا. سونداي-اق 2021 -جىلى رەسپۋبليكا بويىنشا 50-گە جۋىق ينكليۋزيانى قولداۋ كابينەتتەرى اشىلدى، پسيحولوگيالىق- مەديتسينالىق- پەداگوگيكالىق كابينەتتەر سانى 12 بىرلىككە ءوستى، پسيحولوگيالىق- پەداگوگيكالىق تۇزەتۋ كابينەتتەرىنىڭ سانى 13-گە ءوستى. اۋتيزم ورتالىقتارى نومەنكلاتۋراعا ەنگىزىلدى»، - دەپ جازدى اسحات ايماعامبەتوۆ.

اۆتور: ەسىمجان ناقتىباي