اۆتوكولىك توناۋ ءىسى ايتارلىقتاي ازايعان، دەپ حابارلايدى قازاقپارات نۇر-سۇلتان قالالىق پد- عا سىلتەمە جاساپ.
جەدەل- ىزدەستىرۋ شاراسىن جۇرگىزۋ كەزىندە پوليتسيا قىزمەتكەرلەرى بۇعان دەيىن ۇرلىق جاساعانى ءۇشىن سوتتالعان 46 جاستاعى ەر ادامدى ۇستادى. كۇدىكتى «كاماز» اۆتوكولىگىنىڭ سالونىنان اقشالاي قاراجاتتى ۇرلاعان. ءتۇس مەزگىلىندە ول ارىپتەس جۇرگىزۋشىمەن بىرگە بارا جاتقان. زارداپ شەگۋشى اۆتوكولىكتەن شىعىپ كەتكەندە كۇدىكتى ونىڭ سىرت كيىمىنىڭ قالتاسىنان 80 مىڭ تەڭگەنى ۇرلاعان. ۇستالۋشى كىناسىن مويىندادى، قازىر ونىڭ باسقا قىلمىستارعا قاتىسىنىڭ بار- جوعى انىقتالىپ جاتىر. اتالعان فاكتى بويىنشا ق ر ق ك 188-بابىمەن («ۇرلىق جاساۋ») سوتقا دەيىنگى تەرگەۋ ءجۇرىپ جاتىر.
تالداۋ كورسەتكەندەي، جىل باسىنان بەرى ەلوردادا 15 اۆتوكولىك ۇرلىعى تىركەلگەن، وتكەن جىلدىڭ سايكەس كەزەڭىندە بۇل كورسەتكىش 3 تى قۇرادى. جەدەل-ىزدەستىرۋ ءىس- شارالارى بارىسىندا بارلىق كولىك قۇرالدارى تابىلىپ، يەلەرىنە قايتارىلدى. سونىمەن قاتار، اۆتوكولىك ۇرلىقتارىنىڭ سانى ايتارلىقتاي ازايدى. ەگەر وتكەن جىلى قاڭتار ايىندا 21 اۆتوكولىك توناۋ تىركەلسە، وسى جىلى بارلىعى 9 ۇرلىق ءىسى تىركەلگەن. پوليتسيا اۆتوموبيل سالوندارىن توناۋ نەگىزىنەن جۇرگىزۋشىلەردىڭ ۇقىپسىزدىعىنان بولاتىنىن اتاپ ءوتتى.
«كولىك قۇرالىن قالدىرىپ بارا جاتقاندا سالوننان بارلىق قۇندى زاتتاردى وزىڭىزبەن بىرگە الىپ ءجۇرۋدى ۇمىتپاڭىز. جۇرگىزۋشىلەرگە كولىك قۇرالىن كۇزەت دابىلىمەن جابدىقتاۋدى، كەتەر الدىندا اۆتوكولىكتى جابۋدى جانە اۆتوكولىكتى تاۋلىك بويى باقىلاۋدا بولاتىن كۇزەتىلەتىن تۇراققا قويۋدى ۇسىنامىز»، - دەدى پوليتسيادان.
اۆتور: اقبوپە ءابدراسۋل