بۇل تۋرالى «وتباسى بانك» اكسيونەرلىك قوعامى ورتالىق فيليالىنىڭ ديرەكتورى جانسۇلتان ماتاي «حابار» تەلەارناسىنداعى «بۇگىن» باعدارلاماسىندا ايتتى، دەپ حابارلايدى قازاقپارات ءتىلشىسى. «باعدارلامانىڭ ىشىندە تاعى ءبىر شارت بار. وتباسىنداعى ادامداردىڭ سانىنا سايكەس، جالعا الاتىن پاتەردىڭ اۋدانى بار. سۋبسيدياعا قول جەتكىزۋ جالدايتىن ءۇيدىڭ اۋدانى سودان اسىپ كەتپەۋ كەرەك. وتباسىنداعى ادام سانى 1-دەن 3 جانعا دەيىن بولسا، 40 شارشى مەتر سۋبسيديالانادى. 4 پەن 5 ادام بولسا، 60 شارشى مەتر، 6 ادامنان كوپ بولسا، 80 شارشى مەتردەن اسپايتىن پاتەر سۋبسيديالانادى»، - دەدى «وتباسى بانك» وكىلى.
سونداي- اق، ول جالعا بەرۋشى مەن الۋشى اراسىنداعى كەلىسىمشارتتى قولدان جاساپ ۇسىنۋ مۇمكىن ەمەس ەكەنىن دە ەسكەرتتى.
«ياعني، وتباسى ادام سانىنا سايكەس پاتەر ىزدەيدى. پاتەر يەسىمەن كەلىسىمشارت ءبىر جىلعا جاسالادى. ول كەلىسىمشارت جەرگىلىكتى ادىلەت باسقارماسىندا تىركەۋگە ءتۇسۋى كەرەك»، - دەدى جانسۇلتان ماتاي.
اتالمىش باعدارلامادا تۇرعىن ءۇي جالداۋ سۋبسيدياسىنا ءوتىنىش قالاي قابىلداناتىنى ايتىلدى. ايتا كەتەيىك، جاڭا تۇرعىن ءۇي ساياساتىنىڭ اياسىندا ەلىمىزدە 70 مىڭنان استام ادامنىڭ تۇرعىن ءۇي جالداۋ شىعىنىن مەملەكەت جارتىلاي سۋبسيديالاماقشى.
اۆتور: ەسىمجان ناقتىباي