وسى ءبىزدىڭ اۋە قورعانىسىمىز قانشالىقتى مىقتى؟ قارۋلى كۇشتەردىڭ اۋە شابۋىلىنا قارسى تۇراتىن اسكەري بولىمىنە باردىق. ستراتەگيالىق نىساننىڭ قىزمەتىن كوردىك. ءبىز ەلوردا ىرگەسىندەگى اقمول ەلدى مەكەنىنە كەلدىك. مۇندا باس قالانىڭ اۋە كەڭىستىگىن باقىلايتىن راديولوكاتسيالىق ستانسيا ورنالاسقان. قازىر مۇنداعى جۇمىسپەن ەگجەي- تەگجەي تانىساتىن بولامىز.
راديولوكاتسيالىق ستانتسيا «نۇر» 2015 -جىلدان باستاپ بىزدە ورناتىلىپ تۇر. سول كەزدەن باستاپ جاۋىنگەرلىك كەزەكشىلىكتە تۇر. ولاي بولسا ىشكە كىرىپ، ستانسيانى كوزبەن كورەيىك. راديولوكاتسيالىق ستانتسيا دەگەنىمىز وسى. بۇل كەشەن ەلوردا كەڭىستىگىندە ۇشىپ جۇرگەن، ۇشىپ كەلە جاتقان اۋە كەمەلەرىن بىردەن انىقتايدى. بۇل كەشەن ناقتى قانشا شاقىرىمعا دەيىن ۇشاقتاردى انىقتاي الادى؟ ياعني، راديۋسى قانشا مۇنىڭ؟
نۇرسۇلتان ەرمەكوۆ، راديولوكاتسيالىق ستانسيا باستىعى:
- وسى راديولوكاتسيالىق ستانسيا نىسانالاردى 5 ك م- دەن 470 ك م دەيىن انىقتايدى. جانە دە ماكسيمالدى انىقتايتىن بيىكتىك 30 مىڭ مەتر. انتەنانىڭ اينالۋ جالدامدىعى مينۋتىنا 6 وبوروت جاسايدى. شامامەن 500 شاقىرىمداعى نىساندى قالت جىبەرمەيتىن راديولوكاتسيالىق ستانسيانى قازاقستان مەن فرانسيا بىرلەسىپ جاساعان. كەڭىستىكتە رۇقساتى جوق ۇشاق كورىنسە بەلگى بەرىپ، دابىل قاعىلادى. ساربازدار بۇل نىسانانى شۇعىل جويۋعا ءتيىس.
دابىل قاعىلعان سوڭ «С-300 PS» زەنيتتىك- زىمىراندىق كەشەنى ىسكە قوسىلادى. اۋە شەكاراسىن بۇزعان ۇشاق نەمەس ۇشۋ اپپاراتىن زىمىراندار قاعىپ تۇسىرەدى.
اسىلحان راقىشيەۆ، ديۆيزيون كومانديرىنىڭ ورىنباسارى، شتاب باستىعى
- بەتىن اۋلاق قىلسىن، ەگەر شىنداپ ءبىر قاۋىپ تۋىندايتىن بولسا، سول قاۋىپتى تويتارۋعا بولادى. كەزەكشى اۋىسىم 10 مينۋتتا دەر كەزىندە جۇمىس ورىندارىنا كەلىپ، سوعان دايىن بولۋ كەرەك. سول اۋە كەڭىستىگىن بۇزۋشىلىققا جول بەرمەۋ كەرەك. 10 مينۋت ۋاقىتتىڭ ىشىندە. ال 5 مينۋتتا بىزدە نورماتيۆتە جۇمىلدىرىلامىز. مۇنداعى زەنيتتىك كەشەندەردەن اتىلعان زىمىران 75 شاقىرىمعا دەيىن ۇشادى. وسى كەزگە دەيىن سارىشاعان پوليگونىندا بىرنەشە مارتە سىنالىپ، تەكسەرىستەن وتكەن.
www.24.kz