وسى ەلدىڭ قارجى ءمينيسترى نيرمالا سيتاراماننىڭ ايتۋىنشا، جاڭا ۇلگىدەگى ۆاليۋتا ەكونوميكاعا سونى سەرپىن بەرىپ، ۆاليۋتانى باسقارۋدىڭ ءتيىمدى ءارى ارزان جۇيەسىن قالىپتاستىرادى. ال ودان تۇسەتىن پايداعا 30 پايىزدىق سالىق سالىنباق. قازىر بۇل زاڭ جوباسىن ءۇندىستاننىڭ ورتالىق بانكى قاراستىرىپ جاتىر. بۇعان دەيىن قىتاي دا تسيفرلىق يۋان شىعاراتىنىن مالىمدەگەن ەدى.
ءۇندىستان مەن قىتاي الپاۋىت ەلدەردىڭ اراسىندا ءبىرىنشى بولىپ مۇنداي شەشىم قابىلداپ وتىر. سونداي- اق فرانسيا، كانادا، بىرىككەن اراب امىرلىكتەرى، وڭتۇستىك كورەيا، وڭتۇستىك افريكا، ۋرۋگۆاي سيفرلىق اقشا جاساۋعا كىرىستى.
بۇل قاتاردا ءبىزدىڭ ەل دە بار. بىلتىر ۇلتتىق بانك سيفرلىق تەڭگەنى ەنگىزۋ بويىنشا پيلوتتىق جوبانى قولعا الدى. ال ونى اينالىمعا شىعارۋ ءىسى 2022 - جىلدىڭ 1-شىلدەسىنە دەيىن شەگەرىلدى.
ايتا كەتەيىك، سيفرلىق تەڭگە قولما- قول اقشانى الماستىرۋعا ارنالماعان. مامانداردىڭ پايىمداۋىنشا، وسى ارقىلى بارلىق وپەراتسيا مەن ترانزاكتسيانى باقىلاپ وتىرۋعا مۇمكىندىك تۋادى. ياعني، قارجى جۇيەسى بارىنشا اشىق بولادى.
www.24.kz