بۇل تۋرالى رەجەپ تايىپ ەردوعان ۋكراينا باسشىسى ۆلاديمير زەلەنسكيمەن كەزدەسۋىندە مالىمدەدى. تۇركيا پرەزيدەنتى داعدارىستان شىعۋ ءۇشىن ەكى ەل باسشىلارىنىڭ كەزدەسكەنىن قالايدى. ال تۇركيانىڭ ەكى مەملەكەتپەن دە قارىم- قاتىناسى ءتاۋىر. ءبىراق انكارا ۋكراينانىڭ اۋماقتىق تۇتاستىعىن قولدايتىنىن، سول سەبەپتى رەسەي بۇل ەلگە شابۋىل جاسار بولسا ناتو مۇشەسى رەتىندە ارەكەت ەتەتىنىن مەڭزەدى.
رەجەپ تايىپ ەردوعان، تۇركيا پرەزيدەنتى:
- مەن بۇعان دەيىن تۇركيانىڭ ەكى دوستاس مەملەكەت اراسىنداعى ماسەلەنى شەشۋ ءۇشىن قولدان كەلگەننىڭ ءبارىن جاساۋعا دايىن ەكەنىن ايتقانمىن. بۇگىن دە بىرنەشە مارتە اتاپ وتكەنىمدەي، ەكى ەل باسشىلارىنىڭ كەزدەسۋىن وتكىزۋگە ءازىرمىز.
بەلارۋس مينسك ۋكراينامەن شەكاراسىن كۇشەيتۋگە نيەتتى
ال بەلارۋس رەسەيدىڭ كومەگىمەن ۋكراينامەن اراداعى شەكاراسىن نىعايتپاق. بۇل تۋرالى پرەزيدەنت الەكساندر لۋكاشەنكو رەسەي قورعانىس ءمينيسترى سەرگەي شويگۋمەن كەزدەسۋىندە ايتتى. تاقاۋدا قوس مەملەكەتتىڭ بىرلەسكەن اسكەري وقۋ- جاتتىعۋى باستالۋعا ءتيىس. ال ناتو رەسەي بەلارۋستەگى اسكەرىن كۇشەيتىپ جاتىر دەپ ەسەپتەيدى.
الەكساندر لۋكاشەنكو، بەلارۋس پرەزيدەنتى:
- وكىنىشكە قاراي، ءبىز ۋكراينامەن اراداعى 1 جارىم مىڭ شاقىرىمعا سوزىلعان شەكارانى نىعايتۋعا ءماجبۇرمىز. سوندىقتان بۇل ىستە ءسىزدىڭ ەلدىڭ اسكەرىنىڭ كومەگى وتە ماڭىزدى. ولار بىزگە وسى اۋدانداعى وسال تۇستارىمىزدى انىقتاۋعا مۇمكىندىك بەرەدى.
ا ق ش پولشاداعى اسكەري ارسەنالىن جاڭارتتى
ا ق ش پولشاعا جۇزدەگەن تەحنيكاسىن اتتاندىردى. پەنتاگوننىڭ مالىمدەۋىنشە، بۇل ناتو شەڭبەرىندە ءار 9 اي سايىن جۇيەلى تۇردە جۇزەگە اسىرىلاتىن روتاتسيالىق شارا.
ايتا كەتەيىك، ا ق ش 2017 -جىلى اليانستىڭ شىعىس ەۋروپا ەلدەرىنە قولداۋ كورسەتۋ باعدارلاماسى اياسىندا پولشاعا ءوز اسكەرىن ورنالاستىرعان. ال بالتىق ەلدەرىندە گەرمانيا، كانادا جانە ۇلى بريتانيا جاساقتارى بار.
www.24.kz