اۆستراليا بيلىگى الاپات سۋ تاسقىنىنىڭ زاردابىمەن كۇرەسىپ جاتىر. كەي ەلدى مەكەندەر ءالى كۇنگە دەيىن سۋ استىندا. توپان سۋ جولدى دا شايىپ كەتكەن. سوندىقتان قاجەتتى ازىق- تۇلىك تۇرعىندارعا اسكەري ۇشاقپەن جەتكىزىلىپ جاتىر. جۋىردا اۆستراليانىڭ ءبىرقاتار شتاتىندا سوڭعى ەكى عاسىردا بولماعان الاپات سۋ تاسقىنى ءجۇردى.
ستيۆەن مارشال، وڭتۇستىك اۆستراليا شتاتىنىڭ پرەمەر- ءمينيسترى:
- توپان سۋدىڭ بەتى قايتا باستادى. دەگەنمەن اتقارار جۇمىس ءالى وتە كوپ. ەڭ الدىمەن ازاماتتارعا كومەكتەسۋىمىز قاجەت. بۇدان بولەك تابيعات اپاتىنان كەلگەن شىعىن مولشەرىن ەسەپتەپ، قايتا قالپىنا كەلتىرۋ جۇمىستارىن باستاۋىمىز كەرەك. لاي كوشكىنىنەن 24 ادام وپات بولدى ەكۆادور بيلىگى دە قازىر تابيعات اپاتىنىڭ سالدارىن جويۋمەن الەك. ءبارى كوشەلەردى قالىڭ لايدان تازارتۋعا كۇش سالىپ جاتىر.
كيتو قالاسىندا بولعان اپاتتان 24 ادام قازا تاپتى. جاراقات العاندار قاتارى 50 دەن اسادى. ەل بيلىگى مۇنى سوڭعى 20 جىلدا تىركەلگەن ەڭ ءىرى تابيعي اپات دەپ وتىر. بىرنەشە كۇن بۇرىن ەكۆادوردىڭ ءبىرقاتار اۋدانىندا تولاسسىز جاڭبىر جاۋىپ، وزەندەر ارناسىنان تاسىعان بولاتىن. كەيىن جۇزدەگەن ءۇي مەن جول سۋ استىندا قالدى.
ۋيليام كاللە، پوليتسيا ءبولىمىنىڭ باسشىسى:
- ءالى كۇنگە دەيىن ناقتى قانشا كىسىنىڭ جوعالىپ كەتكەنىن بىلمەيمىز. قازىر عانا ءبىر ادام كەلىپ، ايەلىن تابا الماي جۇرگەنىن ايتتى. ءبىز بارىنە قولىمىزدان كەلگەنشە كومەكتەسۋگە تىرىسىپ جاتىرمىز.
www.24.kz