پرەزيدەنت اكىمشىلىگىنىڭ كەلىسىمى بويىنشا ىشكى ىستەر ءمينيسترىنىڭ بۇيرىعىمەن گەنەرال-مايور قايرات اقتانوۆ ق ر ۇلتتىق ۇلانى باس قولباسشىسىنىڭ ءبىرىنشى ورىنباسارى - باس شتاب باستىعى لاۋازىمىنا تاعايىندالدى.
ىشكى ىستەر ءمينيسترى پوليتسيا گەنەرال-لەيتەنانتى ەرلان تۇرعىمبايەۆ قايرات ميحايل ۇلىن ۇلتتىق ۇلان باس قولباسشىلىعىنىڭ جەكە قۇرامىنا تانىستىردى.
- ەل پرەزيدەنتى ىشكى ىستەر ورگاندارى مەن ۇلتتىق ۇلان الدىندا ۇلكەن مىندەتتەر قويدى.
قاڭتار وقيعالارى، ەڭ الدىمەن، بىزدەن ءىس-ارەكەتتىڭ، ءىس-قيمىلدىڭ جەدەلدىگىن، ىشكى ىستەر جانە قورعانىس مينيسترلىكتەرى اراسىندا قارىم-قاتىناستىڭ انىقتىعىن قاجەت ەكەنىن كورسەتتى.
بۇگىنگى كۇنى ءى ءى م، ۇلتتىق ۇلاننىڭ ارنايى ماقساتتاعى بولىمشەلەرىن كۇشەيتۋ، ولاردىڭ شتاتتىق سانىن ۇلعايتۋ جوسپارلانىپ وتىر.
جالپى العاندا ۆەدومستۆو قۇرىلىمدارىنىڭ قىزمەتىن جەتىلدىرۋ جانە نىعايتۋعا قاتىستى كەشەندى جۇمىستاردى باستاپ كەتتىك. ەلىمىز ءۇشىن اۋىر كۇندەرى پوليتسيا قىزمەتكەرلەرى مەن ۇلتتىق ۇلان جاۋىنگەرلەرى قۇقىقتىق ءتارتىپتى قامتاماسىز ەتۋ مەن تۇرعىنداردى قورعاۋ بويىنشا كاسىبي بىلىكتىلىك تانىتتى. گەنەرال-مايور اقتانوۆتىڭ قوعامدىق ءتارتىپتى ساقتاۋ مەن قىلمىسقا قارسى كۇرەسكە قاتىستى تاپسىرمالاردى ورىنداۋعا بار كۇش-جىگەرىن سالارىنا سەنىمدىمىن، - دەدى ۆەدومستۆو باسشىسى.
قايرات اقتانوۆ 1972-جىلى ناۋرىزدا سولتۇستىك قازاقستان وبلىسىندا دۇنيەگە كەلگەن. قازاقستان رەسپۋبليكاسى شەكارا اسكەرلەرىنىڭ اسكەري ينستيتۋتىن، ق ر قارۋلى كۇشتەرىنىڭ ۇلتتىق قورعانىس ۋنيۆەرسيتەتىن، رەسەي فەدەراتسياسى باس شتابىنىڭ اكادەمياسىن ءتامامداعان.
ءى ءى م ىشكى اسكەرلەرى قاتارىندا ۆزۆود كومانديرى لاۋازىمىنان باستاپ، پولك جانە قۇراما كومانديرى لاۋازىمدارىنا دەيىنگى قىزمەتتىك جولدان ءوتتى.
ءار جىلداردا ۇلتتىق ۇلاننىڭ «باتىس»، «وڭتۇستىك»، «شىعىس» وڭىرلىك قولباسشىلىقتارىن باسقاردى جانە ۇلتتىق ۇلان باس قولباسشىسىنىڭ كەڭەسشىسى، ۇلتتىق ۇلان باس شتابى باستىعىنىڭ ءبىرىنشى ورىنباسارى مىندەتتەرىن اتقاردى. قازاقستان رەسپۋبليكاسىنىڭ 12 مەدالىمەن ناگرادتالعان، ىشكى ىستەر مينيسترلىگىنىڭ قۇرمەتتى قىزمەتكەرى.
ۇلاندىقتارمەن كەزدەسۋ اياسىندا ۆەدومستۆو باسشىسى بارلىق جەكە قۇرامنىڭ كاسىبي دايىندىعىنا، سونداي-اق ەلدىڭ قوعامدىق قاۋىپسىزدىگىنە تونگەن جاڭا سىن-قاتەرلەر جاعدايىندا ۇلتتىق ۇلانعا جۇكتەلگەن تاپسىرمالاردىڭ ەرەكشەلىكتەرىن ەسكەرە وتىرىپ، مامانداردى دايارلاۋعا ەرەكشە نازار اۋداردى.
سونىمەن قاتار، ەرلان تۇرعىمبايەۆ ۇلتتىق ۇلان جەكە قۇرامىن ۇكىمەتتىڭ 2022-جىلعى 2- اقپانداعى قاۋلىسىمەن قازاقستان رەسپۋبليكاسى ۇلتتىق ۇلانىنىڭ اسكەري ينستيتۋتىنا اكادەميا مارتەبەسىنىڭ بەرىلۋىمەن قۇتتىقتادى.
- اسكەري ينستيتۋتتىڭ اكادەميا بولىپ قايتا قۇرىلۋى اسكەري جانە عىلىمي-پەداگوگيكالىق كادرلاردى، بارلىق باعىتتاعى جەدەل-تاكتيكالىق دەڭگەيدەگى كاسىبي مامانداردى دايىنداۋدىڭ تيىمدىلىگىن ارتتىرۋعا، قوعامدىق قاۋىپسىزدىك سالاسىندا عىلىمي زەرتتەۋدى جۇرگىزۋگە، وفيتسەرلەر مەن ىشكى ىستەر ورگاندارى جانە باسقا دا كۇشتىك قۇرىلىمداردىڭ قىزمەتكەرلەرىن قايتا دايارلاۋعا مۇمكىندىك بەرەدى، - دەپ قورىتىندىلادى ءسوزىن ەرلان تۇرعىمبايەۆ.