«40№ اۆتوبۋس جۇرگىزۋشىسى جولدى جاياۋ جۇرگىنشىگە ارنالعان بەلگى جوق جەردەن كەسىپ وتكەن ايەلدى قاعىپ كەتتى. جۇرگىزۋشىنىڭ ايتۋىنشا، ول ايالدامادان ەندى عانا قوزعالعان. جول تايعاناق بولعاندىقتان ايەل تەپە-تەڭدىكتى ساقتاي الماي قۇلاعان. دەگەنمەن اۆتوبۋس جۇرگىزۋشىسى دەر كەزىندە توقتاپ، جەدەل جاردەم شاقىرعان»، - دەدى اتالعان مەكەمەنىڭ قوعاممەن بايلانىس ءبولىمىنىڭ جەتەكشىسى ناۋات ازانبايەۆا.
ونىڭ ايتۋىنشا، وقيعا ورنىنا پوليتسيا قىزمەتى شاقىرىلىپ، قوعامدىق كولىك جۇرگىزۋشىسىنەن تۇسىنىك الىندى.
ودان ءارى ءىستىڭ انىق-قانىعىنا جەتۋ ءۇشىن ماتەريال تەكسەرۋگە جىبەرىلدى.
اتالعان جول-كولىك وقيعاسىنا قاتىستى پوليتسيا دەپارتامەنتى دە تۇسىنىك بەردى.
«3- اقپان كۇنى ساعات 11:40-تا تاۋەلسىزدىك داڭعىلى بويىنداعى ايالدامادان جۇرە باستاعان اۆتوبۋس جۇرگىزۋشىسى جولدى بەلگى جوق جەردەن كەسىپ وتكەن ايەلدى قاعىپ كەتتى. دەنە جاراقاتىن العان زارداپ شەگۋشى اۋرۋحاناعا جەتكىزىلىپ، دارىگەرلەردىڭ قاراۋىنان سوڭ ۇيىنە جىبەرىلدى. وقىس وقيعاعا قاتىستى انىقتاۋ شاراسى ءجۇرىپ جاتىر»، - دەلىنگەن اقپاراتتا.
وسى ورايدا قالالىق پوليتسيا دەپارتامەنتى جاياۋ جۇرگىنشىلەردى جول ەرەجەسىن بۇزباۋعا جانە ساق بولۋعا شاقىرادى.