وليمپيادا: يۋليا گالىشيەۆا موگۋلدان جارىسقا شىقپاي قالدى

بەيجىڭ. قازاقپارات - يۋليا گالىشيەۆا بەيجىڭدە ءوتىپ جاتقان قىسقى وليمپيادادا موگۋلدان جارىسقا شىقپاي قالدى.

بۇل تۋرالى حالىقارالىق شاڭعى سپورتى فەدەراتسياسىنىڭ (FIS) سايتىندا جاريالانعان، دەپ حابارلايدى قازاقپارات.

يۋليا گالىشيەۆانىڭ نەلىكتەن جارىسقا قاتىسپاعانى كورسەتىلمەگەن.

ەسكە سالا كەتەيىك، قازاقستاندىق سپورتشىلار بەيجىڭدەگى وليمپيادا ويىندارىندا ونەر كورسەتۋدى باستادى. وتاندىق اتلەتتەر قاتىسقان ءبىرىنشى سپورت ءتۇرى فريستايل- موگۋل بولدى. ايەلدەر بىلىكتىلىگىندە قازاقستاندىقتار ىشىنەن ستارتقا 17 جاستاعى ولەسيا گراۋر شىقتى. ءبىرىنشى ىرىكتەۋ كەزەڭىنىڭ قورىتىندىسى بويىنشا، گراۋر 57.18 ۇپاي جيناپ، فينالعا تىكەلەي جولداما العان ۇزدىك وندىق قاتارىنا قوسىلا المادى. ەندى سپورتشى 6 - اقپان كۇنى ەكىنشى بىلىكتىلىكتە ونەر كورسەتەدى.

اۆتور: ءبيبىحان سەرىكوۆا