بۇل تۋرالى ۇلتتىق ءبىلىم اكادەمياسىنىڭ پرەزيدەنتى عاني بەيسەنبايەۆ ايتتى، دەپ حابارلايدى قازاقپارات ءتىلشىسى.
ونىڭ اتاپ وتۋىنشە، قازاق ءتىلى جانە ادەبيەتى ءپانى مۇعالىمدەرى سەزىنىڭ قورىتىندىسىندا ءبىرقاتار ءىس-شارا جۇزەگە اسىرىلدى.
«ەڭ ءبىرىنشىسى قازاق ءتىلى مەن ادەبيەتى ءپانى مۇعالىمدەرىنىڭ قاۋىمداستىعى قۇرىلدى. ول جۇمىسىن قاڭتار ايىنان باستادى. ەكىنشىدەن، قازاق ءتىلى مەن ادەبيەتى پاندەرىنىڭ ۇلگىلىك وقۋ باعدارلامالارىن جەتىلدىرۋ جۇمىستارىن ۇيىمداستىرۋ قولعا الىندى. بۇگىنگى كۇنى ۇلگىلىك وقۋ باعدارلامالارىن جەتىلدىرۋگە قاتىستى جۇمىس توبى قۇرىلىپ، ءمينيستردىڭ بۇيرىعىمەن بەكىتىلۋگە بەرىلدى. ۇشىنشىدەن، وقىتۋ وزگە تىلدە جۇرگىزىلەتىن مەكتەپتەردە قازاق ءتىلى مەن ادەبيەتى پاندەرىن جەكە وقىتۋ ماسەلەسىن قاراستىرۋ ءۇشىن كاسىبي ساراپشىلار توبى قۇرىلىپ، قازىر تالقىلاۋعا دايىندالىپ جاتىر» - دەدى ول ءبىلىم مينيسترلىگىنىڭ اپپارات جينالىسىندا.
سونىمەن قاتار ول سەزد قارارىندا كورسەتىلگەن ماسەلەلەردى ىسكە اسىرۋ جۇمىستارى قارقىندى جۇرگىزىلىپ جاتىر. ولاردىڭ بارلىعى وسى جىلى ىسكە اسىرىلاتىن بولادى.
اۆتور: مارلان جيەمباي