بۇل تۋرالى قازاقپارات ق ر پرەمەر- ءمينيسترىنىڭ باسپا ءسوز قىزمەتىنە سىلتەمە جاساپ حابارلايدى. قۇجات قولدا بار وندىرىستىك قۋاتتاردىڭ جۇكتەلۋىن، جۇمىس ورىندارىنىڭ ساقتالۋىن قامتاماسىز ەتۋگە مۇمكىندىك بەرەدى جانە جالپى العاندا، وتاندىق جەڭىل، جيھاز ونەركاسىبى جانە ماشينا جاساۋ سالالارىن ودان ءارى دامىتۋدى ىنتالاندىرادى.
مەملەكەتتىك ساتىپ الۋدى جۇزەگە اسىرۋ كەزىندە ۇلتتىق رەجيمنەن الىپ تاستاۋ 2 جىل بويى قولدانىلاتىن بولادى.
يندۋستريا جانە ينفراقۇرىلىمدىق دامۋ مينيسترلىگى مەملەكەتتىك ساتىپ الۋ جونىندەگى ۋاكىلەتتى ورگانعا تاۋارلاردىڭ، جۇمىستاردىڭ، كورسەتىلەتىن قىزمەتتەردىڭ ءبىرىڭعاي نومەنكلاتۋرالىق انىقتامالىعىنا سايكەس كودتارىن كورسەتە وتىرىپ، جيھاز جانە جەڭىل ونەركاسىپ تاۋارلارىنىڭ تىزبەسىن ۇسىندى.
ۇلتتىق رەجيمنەن الىپ تاستاۋعا جاتاتىن ماشينا جاساۋ تاۋارلارىنىڭ تىزبەسىنە ليفتىلەر، تراۆولاتورلار، ەكسكالاتورلار جانە جىلجىمالى جاياۋ جۇرگىنشى جولدارى، اۆتوماتتاندىرىلعان گاز تاراتۋ ستانسيالارى، بلوكتىق گاز رەتتەۋشى، گاز ولشەۋ قوندىرعىلارىنىڭ (ستانسيالارى) پۋنكتتەرى، جيىنتىق تاراتۋ قۇرىلعىلارى جانە ورتا جانە تومەن كەرنەۋلى قوسالقى ستانسيالار، اشىق تاراتۋ قۇرىلعىلارى، ينتەگراتسياسى، سيفرلىق رەلەلىك قورعانىسى جانە سيفرلىق باسقارۋى بار جيىنتىق ترانسفورماتورلىق قوسالقى ستانسيالار، ر ق ا سيفرلىق قۇرىلعىلارى، جوعارى ۆولتتى اجىراتقىشتار مەن ايىرعىشتار، كومبايندار، تراكتورلار، ەرشىكتى تارتقىشتار، اۆتوبۋستار، جەڭىل جانە جۇك اۆتوموبيلدەرى، ارنايى تەحنيكا، گاز، سۇيىقتىق جانە ەلەكتر ەنەرگياسىن بەرۋ ەسەپتەگىش قۇرالدارى كىرەدى.