بەيجىڭدە جەر سىلكىندى

بۇل تۋرالى قازاقپارات قىتاي سەيسمولوگيالىق ورتالىعىنا سىلتەمە جاساپ حابارلايدى.

جەراستى دۇمپۋلەر 3-اقپان كۇنى جەرگىلىكتى ۋاقىتپەن ساعات 01:55-تە بەيجىڭنەن سولتۇستىك- شىعىسقا قاراي ورنالاسقان چاويان اۋدانىندا تىركەلگەن. ونىڭ وشاعى قىسقى ويىندار ءراسىمى وتەتىن «قۇس ۇياسى» ۇلتتىق ستاديونىنان شىعىسقا قاراي 11-15 شاقىرىم جەردە بولدى. جەر سىلكىنىسىنىڭ وشاعى 21 شاقىرىم تەرەڭدىكتە ورنالاستى. قىتاي استاناسىنىڭ بۇل اۋدانىندا 3,45 ميلليون استام حالىق تۇرادى.

قىتاي ب ا ق حابارلاۋىنشا، استانالىق چاويان اۋدانىندا ۇيلەرى جەر سىلكىنىسى وشاعىنا جاقىن ورنالاسقان تۇرعىندار جەراستى دۇمپۋلەردى سەزىنگەن. زارداپ شەككەندەر مەن قازا تاپقاندار تۋرالى مالىمەت كەلىپ تۇسكەن جوق.

بەيجىڭ قالاسىندا XXIV قىسقى وليمپيادا ويىندارى 2022 -جىلدىڭ 4-20-اقپان كۇندەرى، ال پاراليمپيادا ويىندارى - 4-13-ناۋرىز ارالىعىندا وتەدى.

اۆتور: سماعۇلوۆا ەركەجان