وتە جۇقپالى، ءبىراق حالىقتىڭ باسىم بولىگىنە قاۋىپتى ەمەس «وميكرون» شتامىنىڭ تەز تارالىپ جاتقانىنا قاراماستان ءبىرقاتار ەلدەردىڭ مۇنداي قادامعا بارۋى دۇنيەجۇزىلىك دەنساۋلىق ساقتاۋ ۇيىمىن الاڭداتىپ وتىر.
ولاردىڭ پايىمىنشا، ۆيرۋس تاعى مۋتاتسياعا ۇشىراۋى مۇمكىن، دەپ حابارلايدى قازاقپارات Euronews-كە سىلتەمە جاساپ.
«ءبىز بارلىق مەملەكەتتى قولدا بار قۇرالداردى پايدالانا وتىرىپ، ءوز تۇرعىندارىن قورعاۋعا شاقىرامىز. بۇل - تەك ۆاكسينا ەمەس. جەڭىس تۋرالى جار سالۋ ءالى كەز كەلگەن مەملەكەتكە ەرتە. بۇل ۆيرۋس قاۋىپتى، ول ءبىزدىڭ كوز الدىمىزدا دامىپ جاتىر»، - دەدى د د ۇ باس حاتشىسى تەدروس ادانوم گەبرەيەسۋس.
دانيا اقپان ايىنان باستاپ بارلىق شەكتەۋدى الىپ تاستاپ جاتقان ەۋروپالىق وداقتاعى العاشقى مەملەكەتتەردىڭ ءبىرى. نورۆەگيادا وسى جولمەن جۇرۋدە، وندا قاشىقتان جۇمىس ىستەۋدى جانە ادام كوپ جينالاتىن ورىنداردا شەكتەۋلەردى الىپ تاستاپ جاتىر.
فرانسيا دا ماتچتارعا، كونسەرتتەرگە ءليميتتى الىپ تاستاۋدا. مۇنداي جەڭىلدەتۋلەر تەك ۆاكسينا العان ازاماتتارعا قاتىستى.