«سىبايلاس جەمقورلىقتىڭ ءتۇبى تەرەڭ دە جاتىر، كەڭەس وكىمەتى داۋىرىنەن قالعان مۇرا سەكىلدى. جەمقورلىق تەك پارا بەرۋ نەمەسە الۋ عانا ەمەس، ول دەگەنىمىز پروتەكتسيونيزم. مەنىڭ بۇل جەردە، ماسەلەنى شەشۋ ءۇشىن كەشەندى كەرەك. جانە مەملەكەتتىك قىزمەتكەرلەردىڭ ويلاۋ پاراديگماسىن تۇبەگەيلى وزگەرتۋ قاجەت. ەلدەگى جاپپاي تارتىپسىزدىكتەردەن كەيىن حالىق مەملەكەتتىك قىزمەتكەرلەردىڭ ءىس- ارەكەتى مەن ەتيكالىق قابىلەتىنە ەرەكشە تالاپ قويىپ جاتىر. قوعامنىڭ قانشالىقتى تالاپشىلدىعىن كورىپ وتىرمىز. جاڭا قازاقستاندى دامىتۋدا ازاماتتىق بەلسەندىلىك جانە سىبايلاس جەمقورلىقپەن قوعام بولىپ كۇرەسۋ ارقىلى ماسەلەنى شەشەمىز دەپ ويلايمىن»، - دەدى تالعات قاليەۆ.
ينستيتۋت باسشىسىنىڭ ايتۋىنشا، سىبايلاس جەمقورلىقپەن كۇرەستە مەملەكەتتىك جۇيەنى وزگەرتسە قوعامنىڭ دا قاتىناسى وزگەرەدى.
«جەمقورلىقپەن كۇرەس جول سەكىلدى، ەكى جولاقتان تۇرادى. مەملەكەت باسشىسىنىڭ ساياسي كۇشى مەن تاپسىرماسىنان بولەك، قوعامعا دا جاۋاپكەرشىلىك جۇكتەلەدى. سىبايلاس جەمقورلىقپەن كۇرەستە قوعام دا تاباندىلىق تانىتۋ كەرەك»، - دەيدى ول.
بۇعان دەيىن بەلگىلى قوعام قايراتكەرى ايگۇل سولوۆيەۆا ەلدەگى سىبايلاس جەمقورلىق پروبلەماسىنا قاتىستى ويىن ورتاعا سالعان ەدى .
ەسكە سالا كەتەيىك، كەشە مەملەكەت باسشىسى قاسىم- جومارت توقايەۆ سىبايلاس جەمقورلىققا قارسى ءىس- قيمىل ماسەلەلەرى جونىندەگى كەڭەس وتكىزدى.
اۆتور: ءالي يبرايەۆ