ويتكەنى، ازان شاقىرىپ قويعان ات بالانىڭ تاعدىرىنا، بولاشاعى مەن ءومىر جولىنا اسەر ەتەدى دەگەن نانىم- سەنىم بار. سول سەبەپتى قازاقتا بالاعا ات تاڭداۋدا ونىڭ شىعۋ تاريحىنا، ماعىناسىنا اسا ءمان بەرگەن. بۇگىن قاڭتار ايىندا كوپ قويىلعان ەسىمدەر توپتاماسى مەن ولاردىڭ ماعىناسىن ۇسىناتىن بولامىز.
ەر بالالار اراسىندا
1. ءاليحان (248)
ءاليحان نەمەسە ءاليحان اراب تىلىنەن ەنگەن ەسىم. ول «عالي» جانە حان سوزدەرىنىڭ بىرىگۋىنەن تۋعان ات. عالي - «ءاليدىڭ» سينونيمى. ماعىناسى بيىك، اسا، زور، زاڭعار دەگەن ماعىنا بەرەدى.
2. بەيبارىس (166)
بەيبارىس نەمەسە بايبارىس ەسىمدەرى تۇرىكمەن، تاتار، قازاق، قىرعىز تىلدەرىنە ورتاق ەسكى ەسىم. اتاۋ بارىستىڭ بارىسى، ناعىز بارىس، الىپ بارىس، ەڭ مىقتى بارىس دەگەن ۇعىمدى بىلدىرەدى.
3. الديار 136
الديار اراب- يران تىلىنەن ەنگەن ەسىم. ماعىناسى - اللانىڭ دوسى؛ تاقسىر، ۇلى مارتەبەلى.
4. ايسۇلتان 125
ەسىم «اي» مەن «سۇلتان» سوزدەرىنەن تۇرادى. ءسابي ايداي بولسىن، ءوز ورتاسىندا سۇلتانداي ءقادىرلى بولسىن دەگەن نيەتپەن قويىلادى. سۇلتان اراب تىلىنەن «بيلەۋشى، اكىم» دەگەن ماعىنانى بىلدىرەدى.
5. ومار (119)
اراب تىلىنەن اۋدارعاندا «ومىرگە قۇشتارلىق»، «ادامنىڭ عۇمىرى» جانە ء«ومىر» دەگەن ماعىنالاردى بىلدىرەدى. نەگىزگى ءتۇبىرى - عۇمىر، ءومىر. بۇل جاعىنان ء«ومىرى ۇزاق، ومىرشەڭ، عۇمىرلى» دەگەن ماعىنالاردى بىلدىرەدى.
6. الان (110)
قازاق حالقىندا جولبارىستىڭ كۇشىگىن الان دەپ ايتادى. ءسابي قايراتتى، جولبارىس جۇرەكتى بولسىن نيەتپەن وسى ەسىمدى قويعان.
7. امير (108)
امير نەمەسە ءامىر اراب تىلىنەن اۋدارعاندا «بيلەۋشى»، «اكىم» دەگەن ماعىنا بەرەدى. بۇل ەسىمدى كوبىنە ءامىر تەمىردىڭ قۇرمەتىنە بەرگەن.
8. الي (103)
الي نەمەسە ءالي ءسوزى اراب تىلىنەن اۋدارعاندا «بيىك، زاڭعار، اسا، زور» دەگەن ماعىنانى بىلدىرەدى.
9. نۇريسلام (99)
اراب تىلىندە نۇر «جارىق»، «ساۋلە» دەگەندى بىلدىرەدى. «يسلام» ءدىنىمىز بولعاندىقتان، اللانىڭ نۇرى جاۋسىن دەگەن نيەتپەن قويعان.
10. الينۇر (91)
ءالينۇر نە الينۇر اتاۋى دا اراب تىلىنەن ەنگەن «نۇر» جانە ء«الي» سوزدەرىنەن تۇرادى. ماعىناسى - ۇلكەن جارىق، ساۋلە دەگەندى بىلدىرەدى.
قىز بالالار اراسىندا
1. مەدينا (304)
مەدينا ەسىمىنىڭ ماعىناسى (ءمادينا) - «قالا»، مادينات ءان-ءنابي («پايعامبار قالاسى») دەگەن تىركەستەن الىنعان. بۇل مۇسىلمانداردىڭ قاسيەتتى قالاسى بولىپ سانالادى.
2. ايلين (277)
ايلين ەسىمىنىڭ ماعىناسى - «اي نۇرى» دەگەن ماعىنا بەرەدى. نەگىزىنەن، بۇل ەسىم تۇرىك قىزدارىنا ءجيى قويىلادى.
3. اسىلىم (263)
اسىلىم، اسىل ەسىمىنىڭ ماعىناسى - «تەكتى، بەكزات».
4. ايشا (257)
ايشا ەسىمىنىڭ ماعىناسى - اراب تىلىنەن الىنعان گايشا، كونە يەۆرەي تىلىنەن ايشە - ۇزاق ءامىر ءسۇرۋشى، ومىرگە قۇمار، قۇشتار. ەسىمنىڭ تۇرلەرى - عايشا، قايشا.
5. توميريس (225)
توميريس ەسىمى تۇركى تىلىنەن الىنعان. ماعىناسى - «تەمىردى قيراتۋ»، «تەمىردى مايىستىرۋ». تەمىردەي مىقتى، قايراتتى جانە قايسار بولسىن دەپ قويعان.
6. ايالا (190)
ايالا ەسىمىنىڭ ماعىناسى - ماپەلەپ ءوسىرۋ، الپەشتەۋ.
7. رايانا (185)
رايانا ەسىمىنىڭ ماعىناسى - اراب تىلىنەن اۋدارعاندا، بىرىنشىدەن تىڭ، تولىق، قانىق، مول، شىرىندى، تەگىس، ءتۇزۋ دەگەن ماعىنانى بىللىرەدى. ەكىنشى ماعىناسى - دامىعان، جەتىلگەن، كەمەلدەنگەن. ەندى ءبىر باسقا ماعىناسى - جۇماققا كىرەتىن قاقپا.
8. ايزەرە (171)
ايزەرە ەسىمىنىڭ ماعىناسى - قازاق تىلىنەن الىنعان «اي» جانە «زەرە»، يران تىلىنەن «زەر» - اۋداماسى «التىن» دەگەن سوزدەردەن قۇرالعان. التىناي ەسىمىنىڭ ءسينونيمى.
9. ايىم (157)
ايىم ەسىمىنىڭ ماعىناسى - مەنىڭ باقىتىم، ىرىسىم، ايداي سۇلۋىم دەگەن ماندە قويىلعان ەسىم.
10. امينا (153)
امينا نەمەسە ءامينا اراب تىلىنەن ەنگەن. باستاپقى ماعىناسى - ادال، سەنىمدى بولسا، ەكىنشى ماعىناسى - زيانسىز، ءساتتى، يگىلىكتى.
اقپارات دەرەككوزى: massaget.kz