شەتەلگە شىعاتىن قازاقستاندىقتار قالاي ۆاكسينا سالدىرا الادى؟

نۇر-سۇلتان. قازاقپارات – شەتەلگە شىعاتىن قازاقستاندىقتار دۇنيەجۇزىلىك دەنساۋلىق ساقتاۋ ۇيىمى ماقۇلداعان ۆاكسينالاردى سالدىرا الادى.

بۇل قاتارعا شەتەلدە وقيتىن ستۋدەنتتەر، ەمدەلۋگە كەتەتىندەر، سونداي-اق، قازاقستان اتىنان حالىقارالىق دەڭگەيدە شىعاتىن ازاماتتار كىرەدى. سانيتارلىق- ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتانايەۆ وسى ازاماتتارعا ارنالعان ءىس- قيمىل الگوريتمىن ايتتى، - دەپ حابارلايدى Tengrinews.kz ءتىلشىسى.

«قازىر باس مەملەكەتتىك سانيتاريا دارىگەرىنىڭ 2022 -جىلعى 13-قاڭتارداعى №2-قاۋلىسىنا سايكەس كەيبىر جاعدايلاردا ۆەدومستۆوارالىق كوميسسيانىڭ شەشىمى بويىنشا د د س ۇ ماقۇلداعان ۆاكسينانىڭ تولىق كۋرسىن قايتا الۋعا رۇقسات ەتىلەدى»، - دەدى بايتانايەۆ.

قازاقستان اتىنان حالىقارالىق دەڭگەيدە شىعاتىن، ۇكىمەتارالىق كەلىسىمدەر/شارتتار شەڭبەرىندە شەتەلدە وقۋ، ونىڭ ىشىندە اكادەميالىق ۇتقىرلىق شەڭبەرىندە شەتەلگە شىعۋى قاجەت ادامدار جانە ولاردىڭ وتباسى مۇشەلەرى، شەتەلدە ەمدەلۋگە جىبەرىلەتىن ناۋقاستار، ولاردى ەمدەلۋگە اپاراتىن ادامدار.

قانداي قۇجاتتار كەرەك؟

ءتۇرلى سەبەپپەن شەتەلگە شىعۋى قاجەت تۇلعالار ءتيىستى ۆەدومستۆوعا راستايتىن قۇجاتتاردى ۇسىنۋى قاجەت.

مىسالى، شەتەلدە ءبىلىم الۋشىلار راستايتىن قۇجاتتاردى ق ر ءبىلىم جانە عىلىم مينيسترلىگىنە، شەتەلدە ەمدەلۋگە مۇقتاج ناۋقاستار تۇرعىلىقتى جەرى بويىنشا مەديتسينالىق ۇيىمعا نەمەسە اۋماقتىق دەنساۋلىق ساقتاۋ باسقارماسىنا ۇسىنادى.

ستۋدەنتتەر كىمگە جۇگىنە الادى؟

ستۋدەنتتەردىڭ ك ۆ ي- عا قارسى ۆاكسينا ماسەلەسى ق ر ب ع م- مەن بىرلەسىپ پىسىقتالدى، ءىس- قيمىل الگوريتمى ازىرلەندى. وسى ايتىلعاندارعا سايكەس:

«بولاشاق» حالىقارالىق ستيپەندياسىنىڭ يەگەرلەرى جانە ۇكىمەتارالىق كەلىسىمدەر/شارتتار، ونىڭ ىشىندە اكادەميالىق ۇتقىرلىق شەڭبەرىندە شەتەلگە وقۋعا جىبەرىلەتىن ادامدار، شەتەلدىك وقۋ ورىندارىنا ءوز بەتىنشە تۇسكەن جانە ۇكىمەتارالىق كەلىسىمدەر، اكادەميالىق ۇتقىرلىق شەڭبەرىندە وقيتىن ستۋدەنتتەر جانە Work and travel باعدارلاماسى بويىنشا شىعۋدى جوسپارلاعان ستۋدەنتتەر جانە ولاردىڭ وتباسى مۇشەلەرى ق ر ب ع م- نە جازباشا ءوتىنىش بەرەدى؛

وسى تۇلعالاردىڭ وتىنىشتەرى نەگىزىندە ق ر ب ع م ءتىزىم جاساپ، ولاردى ق ر د س م- گە جىبەرەدى؛

ق ر د س م وسى ءتىزىمدى ودان ءارى وڭىرلەردىڭ دەنساۋلىق ساقتاۋ باسقارمالارىنا جىبەرىلەدى؛

مەديتسينالىق ۇيىمدار تىزىمدەردى اقپاراتتىق جۇيەگە ەنگىزۋ ءۇشىن دەنساۋلىق ساقتاۋ ورتالىعىنا بەرە وتىرىپ، ستۋدەنتتەردى ۆاكسينالاۋدىڭ تولىق كۋرسىن قايتا وتكىزەدى؛

ك ۆ ي- عا قارسى ۆاكسينانىڭ تولىق كۋرسىن قايتا اياقتاعاننان كەيىن جانە ۆاكسينا تۋرالى دەرەكتەردى اقپاراتتىق جۇيەگە ەنگىزگەننەن كەيىن eGov موبيلدى قوسىمشاسىندا ستۋدەنتتەردە ۆاكسينانىڭ ەلەكتروندى پاسپورتى، سونداي- اق، قاعاز جەتكىزگىشتە ك ۆ ي- عا قارسى ۆاكسيناتسيا تۋرالى انىقتاما جاسالادى.

ەمدەلۋگە كەتەتىندەر كىمگە جۇگىنەدى؟

شەتەلگە ەمدەلۋگە جىبەرىلگەندەر، سونداي-اق، ولاردى الىپ جۇرەتىن ادامدار مەديتسينالىق ۇيىمعا قازاقستاننان تىس جەرلەردە ەمدەلۋى كەرەك ەكەنىن راستايتىن قۇجاتتى ۇسىنۋى قاجەت. وسى قۇجاتتار نەگىزىندە مەديتسينا قىزمەتكەرى ددسۇ ماقۇلداعان ۆاكسينانى الۋعا رۇقسات بەرىپ، دەرەكتەردى اقپاراتتىق جۇيەگە ەنگىزەدى.

كوروناۆيرۋسقا قارسى ۆاكسينانىڭ تولىق كۋرسىن قايتادان اياقتاعاننان كەيىن eGov موبيلدى قوسىمشاسىندا ۆاكسينانىڭ ەلەكتروندى پاسپورتى، سونداي-اق، قاعاز تاسىعىشتا ك ۆ ي- عا قارسى ۆاكسيناتسيا تۋرالى انىقتاما جاسالادى.

شەتەلدە قازاقستان اتىنان شىعاتىن تۇلعالار كىمگە جۇگىنەدى؟

قازاقستاننىڭ مۇددەسىن حالىقارالىق دەڭگەيدە كورسەتۋ ماقساتىندا شەتەلگە شىعاتىن ادامدار ءتيىستى ۆەدومستۆوعا نەمەسە مەملەكەتتىك ورگانعا (ب ع م، م س م جانە باسقا دا مينيسترلىكتەر) جۇگىنۋى قاجەت، ول وسى ماسەلەنى ۆەدومستۆوارالىق كوميسسيانىڭ قاراۋىنا جىبەرىلەدى.

ۆ ا ك حاتتاماسىنىڭ نەگىزىندە دەنساۋلىق ساقتاۋ مينيسترلىگى ۆاكسينا الۋى قاجەت ادامداردىڭ ءتىزىمىن دەنساۋلىق ساقتاۋ باسقارمالارىنا جىبەرەدى.

مەديتسينالىق ۇيىمدار وسى ادامدارعا ۆاكسينانىڭ تولىق كۋرسىن قايتا جۇرگىزەدى جانە اقپاراتتىق جۇيەگە مالىمەتتەر ەنگىزەدى. ۆاكسينانىڭ تولىق كۋرسىن قايتا اياقتاعاننان كەيىن eGov موبيلدى قوسىمشاسىندا ۆاكسينانىڭ ەلەكتروندى پاسپورتى، سونداي-اق، قاعاز تاسىعىشتا ك ۆ ي- عا قارسى ۆاكسيناتسيا تۋرالى انىقتاما جاسالادى.

قازاقستاندىقتار شەتەلگە شىعۋ ءۇشىن د د س ۇ ماقۇلداعان قانداي ۆاكسينالاردى الادى؟

COVID-19-عا قارسى (Vero Cell)، بەلسەندى ەمەس (Sinopharm).

Vero Cell-دى العاش رەت ۆاكسينا الىپ جاتقان بارلىق قازاقستاندىق الا الادى؛

Verocel-دى شەتەلگە شىعاتىن قازاقستاندىقتار قايتا (1 جانە 2 دوزا) سالدىرا الادى.

Vero Cell ەكى دوزادان تۇراتىن ۆاكسينا. شىعۋ ءۇشىن 21 كۇننەن كەيىن ەكى كومپونەنتتى الۋ كەرەك.

سونداي-اق، دەنساۋلىق ساقتاۋ مينيسترلىگى ءار ەلدىڭ ءوز تالاپتارى بار ەكەنىن ەسكەرتتى، مىسالى، ەكىنشى كومپونەنتتەن كەيىن بەلگىلى ءبىر كەزەڭدى كۇتۋ قاجەت.