وتىرىستا تالقىلانعان ماسەلەنىڭ ءبىرى - پالاتانىڭ جۇمىسىن ساقتاپ قالۋ بولدى. پالاتانىڭ الماتىداعى وڭىرلىك كەڭەسىنىڭ باسشىسى ماكسيم بارىشيەۆتىڭ ايتۋىنشا، ۇ ك پ جۇمىسىن جالعاستىرۋ تۋرالى ماسەلە وڭىردەگى سەزدىڭ كۇن تارتىبىندە بولعان.
«بارلىعى ءبىر اۋىزدان ۇ ك پ- نى قالدىرىپ، ونى رەفورمالاۋ كەرەك دەپ داۋىس بەردى. بۇگىن دە شارامىزدى جالعاستىرۋ ءۇشىن وسىنداي ماسەلەنى داۋىسقا شىعارۋدى ۇسىنامىن»، - دەدى ول ونلاين- كەزدەسۋدە.
سونىمەن بىرگە، قايتالاما مەتاللۋرگيا ونەركاسىپشىلەرى وداعىنىڭ ءتوراعاسى ۆلاديمير دۆورەتسكي دە مۇنداي تاقىرىپتىڭ كوتەرىلۋىنە نەگىز بار ەكەنىن، سوندىقتان جان- جاقتى تالداۋ جۇرگىزۋ قاجەتتىگىن ايتتى.
«مەنىڭ ويىمشا، قازىر ەلدە مۇمكىندىكتەر تەرەزەسى پايدا بولدى، ءبىز ونى مىندەتتى تۇردە پايدالانۋىمىز كەرەك. قازىر رەنجيتىن ۋاقىت ەمەس، بارلىق فاكتىلەردى جايىپ سالىپ، ءتيىستى شەشىمدەر قابىلدانۋى كەرەك، قازىر كۇش سالساق، ءبىر جىلدان كەيىن مۇلدەم باسقا ەلگە اينالارىمىزعا سەنىمدىمىن»، - دەدى ۆ. دۆورەتسكي.
ءوز كەزەگىندە «اتامەكەن» ۇ ك پ باسقارما ءتوراعاسى ابىلاي مىرزاحمەتوۆ پالاتانى قالدىرۋ تۋرالى شەشىمدى جوعارى ورگان رەتىندە سەزد قابىلدايتىنىن ءتۇسىندىردى. ونىڭ ايتۋىنشا، سەزدى شاقىرۋ ناۋرىزدىڭ ەكىنشى بولىگىنە جوسپارلانعان. وڭدەۋ ونەركاسىبى وداعىنىڭ باسشىسى ادىلبەك بەكتىبايەۆ سەزدە پالاتانى ماقتاپ، ونى ساقتاپ قالۋدى عانا سۇراماي، بيزنەس ءۇشىن قانداي جۇمىس ىستەگەنىن دە ايتۋ كەرەك دەگەن پىكىر ءبىلدىردى.
«پالاتا بيزنەس ءۇشىن ەشتەڭە جاسامادى دەپ ويلايتىندار بار. مەن وندا وبەكتيۆتى اشىق پىكىرلەر بولعانىن جانە ەكى تاراپتىڭ دا تىڭدالعانىن قالايمىن»، - دەدى ءا. بەكتىبايەۆ.
جالپى «اتامەكەن» ۇلتتىق كاسىپكەرلەر پالاتاسىن ترانسفورماتسيالاۋ جونىندەگى جۇمىس توبىنا بارلىق وڭىردەن 89 ادام، ونىڭ ىشىندە كاسىپكەرلەر، ءتۇرلى سالالارداعى سالالىق كوميتەتتەردىڭ وكىلدەرى كىردى. قازىرگى ۋاقىتتا ولار ۇ ك پ- نى ترانسفورماتسيالاۋ بويىنشا 360 ۇسىنىس جينادى. تالقىلانعان تاقىرىپتار قاتارىندا ۇ ك پ قۇرىلىمى مەن قىزمەتى، قاۋىمداستىقتاردى اككرەديتتەۋ راسىمدەرىن جەتىلدىرۋ، نورماتيۆتىك- قۇقىقتىق اكتىلەردى ساراپتاۋ، مۇشەلىك جارنالار مەن اقىلى قىزمەتتەردى ەنگىزۋ بويىنشا ۇسىنىستار بار. سونداي- اق، جۇمىس توبىنا كاسىپكەرلەردەن بيزنەستىڭ 400-گە جۋىق پروبلەمالىق ماسەلەلەرى جولدانعان.
اۆتور: ايجان سەرىكجان قىزى