اقبەرەن ەلگەزەك پەن راسۋل رىسمامبەتوۆ ۇلتتىق سەنىم كەڭەسىنىڭ قۇرامىنا كىردى

جالپى ۇلتتىق قوعامدىق كەڭەسى قۇرىلعاننان بەرى و باستاعى قۇرامى بىرنەشە رەت وزگەردى.

بۇگىنگە دەيىن باستاپقى قۇرام شامامەن جارتىلاي جاڭاردى دەپ ايتۋعا بولادى. ياعني، قۇرىلعاننان كەيىن 20 دان استام جاڭا ساراپشى مەن ازاماتتىق بەلسەندى تارتىلعان.

بۇل جولعى لەكتە ۇلتتىق كەڭەستىڭ قۇرامىنا قازاقستان جازۋشىلار وداعى ءتوراعاسىنىڭ ءبىرىنشى ورىنباسارى اقبەرەن ەلگەزەك، بەلگىلى قارجىگەر راسۋل رىسمامبەتوۆ، قازاقستان ازاماتتىق اليانسىنىڭ پرەزيدەنتى بانۋ نۇرعازيەۆا، جەرگىلىكتى ءوزىن-ءوزى باسقارۋدى دامىتۋ ينستيتۋتىنىڭ ديرەكتورى، پەتروپاۆل قالاسىنىڭ قوعامدىق كەڭەسىنىڭ مۇشەسى سەرگەي حۋدياكوۆ، پرەزيدەنتتىك جاستار كادرلىق رەزەرۆىنىڭ مۇشەسى، قازاقستان ستراتەگيالىق زەرتتەۋلەر ينستيتۋتىنىڭ الەۋمەتتىك-ساياسي زەرتتەۋلەر ءبولىمىنىڭ باسشىسى ينديرا رىستينا كىردى.

«روتاتسيا شەڭبەرىندە كەڭەس قۇرامىنان ا. دانيلوۆ، ل. دەمەسينوۆا، ا. مىرزاحمەتوۆ، ا. وماروۆ شىعارىلدى. قازىرگى تاڭدا ۇلتتىق كەڭەستىڭ VII وتىرىسىنا دايىندىق ءجۇرىپ جاتىر»، - دەلىنگەن ۇلتتىق قوعامدىق سەنىم كەڭەسىنىڭ حاتشىلىعى تاراتقان رەسمي مالىمەتتە.

ايتا كەتەيىك، 2021-جىلى ۇلتتىق كەڭەستىڭ باستامالارىن جۇزەگە اسىرۋ اياسىندا 7 زاڭ قابىلدانعان بولاتىن.

جالپى ۇلتتىق كەڭەس قۇرىلعاننان بەرى مەملەكەت باسشىسىنىڭ باستامالارىن ىسكە اسىرۋ ماقساتىندا 90 نان استام نورماتيۆتىك قۇقىقتىق اكتىلەر قابىلداندى. قازىرگى ۋاقىتتا تاعى 12 زاڭ جوباسى ازىرلەۋ جانە قاراۋ ساتىسىندا.