بۇل - بۇرىن بوتەننىڭ مۇلكىن ۇرلاعانى ءۇشىن سوتتالعان 33 جاستاعى جامبىل وبلىسىنىڭ تۇرعىنى، دەپ حابارلايدى قازاقپارات ءتىلشىسى.
5- قاڭتاردا الماتىدا س. ەسىمدى ازامات قارۋ-جاراق دۇكەنىن توناۋعا قاتىسقان. اتاپ ايتقاندا، دۇكەننىڭ ەسىكتەرىنە ورناتىلعان توردى سىندىرۋ ءۇشىن تروس بايلانعان ۆاز-2114 اۆتوكولىگىن جۇرگىزگەن.
وسى زاڭسىز ارەكەتىنىڭ ناتيجەسىندە كۇدىكتى ەكى تەگىس ۇڭعىلى جانە ەكى مىلتىقتى الىپ كەتكەن.
«قازىرگى ۋاقىتتا ونىڭ جاپپاي تارتىپسىزدىك پەن قارۋلى شابۋىلدارعا قاتىسى بار-جوعى تەكسەرىلىپ جاتىر. ەستەرىڭىزگە سالا كەتەيىن، سول كۇنى قالادا ءبىر مەزگىلدە جەتى قارۋ-جاراق دۇكەنىنە شابۋىل جاسالدى، قىلمىسكەرلەر 1347 قارۋدى، ونىڭ ىشىندە 501 مىلتىق، 807 تەگىس ۇڭعىلى جانە 39 گاز-تراۆماتيكالىق قارۋدى اكەتكەن، سونداي-اق وق-ءدارى تونالدى»، - دەيدى الماتى قالالىق پوليتسيا دەپارتامەنتى باستىعىنىڭ ورىنباسارى بەرىك ابىلبەكوۆ.
ۇرلانعان قارۋ كۇدىكتىنىڭ ۇيىنەن تاركىلەندى.
ايتۋ كەرەك، ول بۇعان دەيىن دە بىرەۋدىڭ مۇلكىن ۇرلاعانى ءۇشىن سوتتى بولعان.
«بەسى كۇنى ۇيدەن شىقتىم. بەس بەيتانىس ادام كولىگىمدى توقتاتىپ، «ءجۇر، اعا، كەتتىك. ءبىز ساعان جول كورسەتەمىز» دەپ كولىككە ءمىنىپ الدى. ءبىز قارۋ-جاراق ساتاتىن دۇكەنگە كەلگەن ەكەنبىز. ولار مەنىڭ كولىگىمە تروس بايلادى جانە تارتۋدى بۇيىردى. تەرەزەلەرى، ەسىكتەرى سىنعان. بۇل بەلگىسىز بىرەۋلەر كولىك ىشىنە ەكى اۆتوماتتى اكەلدى، جۇك سالعىشقا ەكى مىلتىقتى لاقتىردى. سوسىن مەن وسى قارۋمەن كەتىپ قالدىم»، - دەدى كۇدىكتى.