مۇنداي ۇسىنىستى الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا بەردى، دەپ حابارلايدى قازاقپارات ءتىلشىسى.
«ەگەر ادام ءوزىنىڭ كوروناۆيرۋس ينفەكتسيامەن اۋىرعانىن ناقتى بىلسە، وندا ول ۆاكسينانى التى ايدان سوڭ عانا سالدىرادى. بۇل «وميكرون»، «دەلتا» جانە باسقا دا شتاممعا بايلانىستى.
بۇل تۋرالى قاۋلىلاردا، نورماتيۆتىك قۇقىقتىق اكتىلەردە كورسەتىلگەن. يممۋندىق جۇيەنىڭ جۇمىسىن ەسكەرە وتىرىپ، ەكپە جارتى جىلدان كەيىن عانا جۇرگىزىلەدى»، - دەيدى اسەل قالىقوۆا.
بۇعان دەيىن ول الماتىدا بالالار كوروناۆيرۋستى ءجيى جۇقتىرا باستاعانىن ايتقان بولاتىن.
ايتا كەتەيىك، مەگاپوليستە Ashyq جوباسىنىڭ ارقاسىندا «قىزىل» جانە «سارى» مارتەبەسى بار 1255 تۇرعىن انىقتالدى.