مەملەكەت باسشىسىنىڭ 25-قاڭتارداعى № 787-جارلىعىنا سايكەس مەملەكەتتىك حاتشى مىناداي وكىلەتتىكتەردى جۇزەگە اسىرادى: ساياسي پارتيالارمەن قارىم-قاتىناستا قازاقستان رەسپۋبليكاسى باسشىسىنىڭ ساياسي پارتيالارمەن قاتىناسىنداعى مۇددەسىن قورعايدى؛
ساياسي قۋعىن-سۇرگىن قۇرباندارىن تولىق وڭالتۋ جونىندەگى مەملەكەتتىك كوميسسيانىڭ، ۇلتتىق قوعامدىق سەنىم كەڭەسىنىڭ جانە جاستار ساياساتى كەڭەسىنىڭ قىزمەتىن ۇيلەستىرەدى؛
پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ قىزمەتىن قاداعالايدى؛
«تاۋەلسىزدىك ۇرپاقتارى» گرانتىن تاعايىنداۋ جۇمىسىن ۇيلەستىرەدى. مەملەكەتتىك حاتشى سونداي-اق: قازاقستان رەسپۋبليكاسى پرەزيدەنتىنە ىشكى ساياسات بويىنشا ستراتەگيالىق ۇسىنىستاردى ازىرلەيدى؛
مەملەكەت باسشىسىنىڭ تاپسىرماسى بويىنشا جەتەكشى مەملەكەتتىك قۇرىلىمداردا جانە حالىقارالىق پلاتفورمالاردا ونىڭ مۇددەسىن قورعايدى؛ قازاقستان رەسپۋبليكاسى پرەزيدەنتىنىڭ الەۋمەتتىك- گۋمانيتارلىق سالالار بويىنشا:
ءبىلىم، عىلىم، مادەنيەت جانە سپورت ماسەلەلەرى بويىنشا؛ مەملەكەت باسشىسى جانىنداعى كونسۋلتاتيۆتىك- كەڭەسشى ورگانداردا؛ قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ مەملەكەتتىك بەيبىتشىلىك جانە پروگرەسس سىيلىعىن بەرۋ جونىندەگى كوميسسيادا؛ مەملەكەتتىك رامىزدەر جانە گەرالديكا جونىندەگى ۆەدومستۆولىق جانە ولارعا تەڭەستىرىلگەن باسقا دا ناگرادالارمەن ماراپاتتاۋ جونىندەگى رەسپۋبليكالىق كوميسسيادا؛ شەتەلدە كادرلار دايارلاۋ جونىندەگى رەسپۋبليكالىق كوميسسيادا؛ عىلىم جانە تەحنيكا سالاسىندا ءال-فارابي اتىنداعى قازاقستان رەسپۋبليكاسىنىڭ مەملەكەتتىك سىيلىعىن بەرۋ جونىندەگى كوميسسيادا؛ قازاقستان رەسپۋبليكاسىنىڭ ادەبيەت جانە ونەر سالاسىندا اباي اتىنداعى مەملەكەتتىك سىيلىعىن بەرۋ جونىندەگى كوميسسيادا؛ قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيادا؛ ساياسي قۋعىن- سۇرگىن قۇرباندارىن تولىق اقتاۋ جونىندەگى مەملەكەتتىك كوميسسيادا؛ ۇلتتىق قوعامدىق سەنىم كەڭەسىنە جانە جاستار ساياساتى كەڭەسىندەگى قىزمەتىن ۇيلەستىرەدى. قازاقستان رەسپۋبليكاسى پرەزيدەنتىنىڭ تاپسىرمالارىنا سايكەس وزگە دە وكىلەتتىكتەردى جۇزەگە اسىرادى. جارلىق قول قويىلعان كۇنىنەن باستاپ كۇشىنە ەنەدى.
اۆتور: زارينا تۋعانبايەۆا