زەرتحانانىڭ تالداۋىنا سايكەس، ەڭ تانىمالى YouTube جەلىسى. ول ون قوسىمشاعا جۇمسالعان جالپى ۋاقىتتىڭ ۇشتەن ءبىرىن (32 پايىز) قۇرايدى. 22 پايىزدان استامىن WhatsApp, تاعى 16 پايىزىن ТikTok جەلىسى العان.
جالپى، 2021 -جىلدىڭ اياعىندا بالالار، Youtube جەلىسىنەن الەم بويىنشا ويىنعا قاتىستى كونتەنتتەردى ىزدەگەن. مۇنداي سۇرانىستاردىڭ ۇلەسى 28 پايىز. زەرتحانا دەرەگى بويىنشا، بالالار ويىن بلوگەرلەرى ارناسىن تابۋعا تىرىسقان، ال Minecraft ەڭ تانىمال ويىن اتاندى.
ۇزدىك ءۇش YouTube-ارناسىنا MrBeast, EdisonPts جانە Paluten كىردى، ال Genshin Impact جانە Poppy Playtime ءبىرىنشى رەت ەڭ كوپ سۇرالعان 10 ويىننىڭ قاتارىنا ەندى.
بالالاردىڭ YouTube جەلىسىندەگى ىزدەۋلەر سانى بويىنشا ەكىنشى ورىن مۋزىكاعا قاتىستى بولدى، ولاردىڭ ۇلەسى 19 پايىز. جۇرگىزىلگەن تالداۋلار بويىنشا، بالالار كوبىنەسە BTS، BlackPink, Lil Nas X، Ariana Grande جانە Twice سياقتى تانىمال توپتار مەن انشىلەردى ىزدەگەن. ەڭ تانىمال اندەر قاتارىندا ورىنداۋشى CKay's-تىڭ Love Nwantiti ءانى، جانە وڭتۇستىك كورەيالىق BlackPink توبىنىڭ مۇشەسى LISA- نىڭ، MONEY جانە LALISA اتتى ەكى جاڭا ترەك بار.
سۇرانىستاردىڭ 12 پايىزىن فيلمدەر، مۋلتفيلمدەر جانە تەلەشوۋلار قۇرادى. ەڭ كوپ ىزدەلگەن مۋلتفيلمدەر «سۆينكا پەپپا»، «لۋنتيك»، «باربوسكينى»، «لەدي باگ ي سۋپەر- كوت»، «ۆەنوم-2» جانە «چەلوۆەك پاۋك: نەت پۋتي دوموي» فيلمدەرى بولدى.
«اتا-اناعا بالاسىنىڭ سيفرلىق قىزىعۋشىلىقتارىن ءبىلۋ ماڭىزدى. بۇل بالالاردى جەلىدەگى قاۋىپتەردەن قورعاۋعا جانە وتباسىندا ۇيلەسىمدى قارىم- قاتىناس ورناتۋعا كومەكتەسەدى. بالالارىڭىزبەن بىرگە ۋاقىت وتكىزسەڭىزدەر بولادى: مىسالى، تانىمال بلوگەردىڭ تانىمدىق بەينەلەرىن قاراڭىز، تاريحتى وقىڭىز، حيميانى نەمەسە فيزيكانى تىكەلەي Minecraft-تا ويىنان دا زەرتتەۋگە بولادى»، - دەپ تۇسىندىرەدى كاسپەرسكي زەرتحاناسىنىڭ قازاقستان مەن ورتالىق ازياداعى كوممەرتسيالىق ديرەكتورى ۆالەري زۋبانوۆ.
زەرتحانا كەڭەستەرىن ءبولىستى:
بالالاردىڭ ينتەرنەتتەگى مىنەز- قۇلقىنىڭ ناقتى ەرەجەلەرىن ورناتۋ جانە ولاردىڭ نە ءۇشىن قاجەت ەكەنىن ءتۇسىندىرۋ (مۇنداي ەرەجەلەردى بالا وسكەن سايىن قايتا قاراۋ كەرەك)؛
بىرگە جاڭا نارسەلەردى ۇيرەنىڭىز، بالالاردىڭ جەلىدە نە ىستەپ جاتقانىن باقىلاڭىز جانە ولاردىڭ قاۋىپسىزدىگىن قالاي ساقتاۋ كەرەكتىگىن ويلاڭىز؛
قاجەت بولسا، اتا-انا باقىلاۋى قولدانباسىن پايدالانىڭىز، ءبىراق ورناتۋ الدىندا بالاعا ونىڭ قالاي جۇمىس ىستەيتىنىن جانە ونى قورعاۋعا كومەكتەسەتىنىن ءتۇسىندىرىڭىز.
Tengrinews.kz