بۇل تۋرالى پرەزيدەنت قاسىم- جومارت توقايەۆ «حابار-24» تەلەارناسىنا بەرگەن ەكسكليۋزيۆتى سۇحباتىندا ايتتى، دەپ حابارلايدى قازاقپارات ءتىلشىسى.
«ءبىز قارىز بولىپ قالدىق دەگەن سياقتى قاۋەسەتتەرگە كەلسەك، ونداي اڭگىمە وتە كوپ ايتىلدى. مەن جاۋاپكەرشىلىكپەن ايتامىن، ۆلاديمير ۆلاديميروۆيچ پۋتينمەن «كەيىن ەسەپ ايىرىسارمىز» دەگەن ماعىنداعى ەشقانداي اڭگىمە بولعان جوق. كرەمل تاراپىنان ەشقانداي الدىن الا شارت تا بولعان جوق. تۇپتەپ كەلگەندە، رەسەي - قازاقستان ءۇشىن وداقتاس مەملەكەت. 2013 -جىلى ەكاتەرينبۋرگ قالاسىندا ءتيىستى كەلىسىمگە قول قويىلعان. ايتپاقشى، مەن ول كەزدە جەنيەۆادا بولاتىنمىن جانە وسى كەلىسىمدى جاساۋعا قاتىسقان جوقپىن»، - دەپ ەسكە الدى مەملەكەت باسشىسى.
ايتۋىنشا، اتالمىش قۇجاتتا رەسەي مەن قازاقستاننىڭ وداقتاستىق قاتىناسى تۋرالى ايتىلادى.
«ەلدەرىمىزدىڭ اراسىنداعى قاتىناس الماتىداعى وقيعاعا دەيىن دە ءاردايىم تىعىز، كونسترۋكتيۆتى، شىنايى ارىپتەستىك سيپاتتا بولعان ەدى. وسى قاتىناس جالعاسا بەرەدى. مەن اقپاننىڭ ورتاسىنا قاراي رەسەي پرەزيدەنتىنىڭ شاقىرۋىمەن ماسكەۋگە ساپارمەن بارامىن جانە ءبىز ەلدەرىمىزدىڭ اراسىنداعى ۇزاق مەرزىمدى ارىپتەستىك تۋرالى وتە ماڭىزدى قۇجاتتارعا قول قويامىز»، - دەدى قاسىم- جومارت توقايەۆ.