«بىزگە جاڭا سالىق ساياساتى قاجەت. ول ساياسات استىرتىن قيتۇرقى ارەكەتتەرگە جول بەرمەيتىن، بيزنەسكە دە، ۇكىمەتكە دە اشىق، تۇسىنىكتى بولۋى كەرەك. ۇكىمەتكە ءبىرشاما كۇردەلى مىندەت جۇكتەلىپ وتىر. ول مىندەتتەردىڭ ءبارىن كاسىپكەرلەر قاۋىمىمەن تالقىلاۋ قاجەت. سالىقتى ادال تولەۋ ءتيىمدى ءارى وڭاي بولاتىنداي ەتىپ ىستەۋ كەرەك. بيزنەسكە، اسىرەسە ءىرى بيزنەسكە جۇمىسى كومەسكى، كۇدىكتى سەرىكتەستەرگە توزبەۋشىلىك قاعيداتىن ۇستانۋ كەرەك»، - دەدى مەملەكەت باسشىسى قازاقستاننىڭ ءىرى بيزنەس وكىلدەرىمەن كەزدەسۋىندە.
سونداي- اق، ول كەدەن ءىسىن دە جاڭا پاراقتان باستاۋدى ۇسىندى.
«مەملەكەتتىڭ موينىنان كولەڭكەلى ەكونوميكانىڭ ۇلەسىن قىسقارتۋ مىندەتىن ەشكىم العان جوق. بۇل بيۋدجەت كىرىسىنىڭ وراسان كوزى. سونىمەن بىرگە پاراساتتى سالىق تولەۋشىلەردى قولداپ، ولاردى ادال ەمەس باسەكەدەن اراشالاۋ ماڭىزدى»، - دەدى قاسىم- جومارت توقايەۆ.
پرەزيدەنت ءىرى كاسىپورىندار سالىق تولەۋدەن جالتارىپ جۇرگەندىگىن ايتتى. جانە بۇلاي جالعاسا بەرسە، قاتاڭ شارالار قولدانىلاتىن بولادى دەپ ەسكەرتتى. 2020 -جىلى قازىناعا بيزنەستەن تۇسكەن سالىقتىق تۇسىمدەر 34,6 ميلليون ا ق ش دوللارى بولعان. بۇل جالپى ىشكى ءونىمنىڭ %20 عانا. ال بۇل كورسەتكىش كورشى ەلدەردە الدەقايدا جوعارى. ءتىپتى قىرعىزستاننىڭ وزىندە % 31 جەتەدى، دەپ اتاپ كورسەتتى قاسىم- جومارت توقايەۆ.
ەلدەگى بيزنەس سالىقتى تولەمەسە - مەملەكەت ءوزىنىڭ الەۋمەتتىك جانە ەكونوميكالىق مىندەتتەمەلەرىن ورىنداي المايدى.