«سوت جۇيەسىن جاڭارتۋ ماڭىزدى ماسەلە. قازىردىڭ وزىندە ءبىز ءىس-شارالار، ونىڭ ىشىندە زاڭنامالىق سيپاتتاعى شارالاردى قابىلدادىق. سوتتارعا جاڭا كادرلار، قۇقىقتىق ءتۇرلى سالاسىنىڭ، ونىڭ ىشىندە كوروپوراتيۆتىك سەكتور ماماندارى شاقىرىلۋدا»، - دەپ اتاپ ءوتتى مەملەكەت باسشىسى ەلىمىزدىڭ ءىرى بيزنەس وكىلدەرىمەن كەزدەسۋى بارىسىندا.
ق ر پرەزيدەنتىنىڭ اتاپ وتۋىنشە، سونىڭ نەگىزىندە جوعارعى سوتتىڭ اكىمشىلىك ىستەر جونىندەگى جاڭا سوت القاسى جاساقتالىپ وتىر.
«مەنىڭشە، سوت ماماندىعىنا مىقتى كورپوراتيۆتىك زاڭگەرلەر مەن ادۆوكاتتاردىڭ، ونىڭ ىشىندە وڭىرلەرگە دە كەلۋى ينۆەستورلار مەن بيزنەسمەندەردىڭ مۇددەسىن قورعاۋ ساپاسىن ايتارلىقتاي ارتتىرادى. بۇگىندە سوت جۇيەسىنە جاڭا كادرلاردى قابىلداۋدىڭ بارلىق مۇمكىندىگى بار. جوعارى سوت كەڭەسى مەن جوعارعى سوتقا سۋديالار كورپۋسىن جاڭارتۋ جۇمىسىن جانداندىرۋدى وتىنەمىن»، دەدى قاسىم- جومارت توقايەۆ.
اۆتور: مارلان جيەمباي