«اۋىل شارۋاشىلىعى مينيسترلىگىنە اۋىل شارۋاشىلىعى ونىمدەرىن ءوندىرۋ مەن تۇتىنۋ كولەمىن ەسەپتەپ، قاجەت بولعان جاعدايدا سىرتقا ساتۋ بويىنشا شەكتەۋ قويۋدى تاپسىرامىن. ءبىرىنشى كەزەكتە ىشكى نارىقتى قامتاماسىز ەتۋىمىز كەرەك»، - دەدى پرەمەر- مينيستر.
سونىمەن قاتار ول مۇناي ونىمدەرىن جەتكىزۋ تىزبەگىن قىسقارتىپ، باعا بەلگىلەۋ پراكتيكاسىن تالداۋ قاجەتتىگىن باسا ايتتى.
«ەنەرگەتيكا مينيسترلىگىنە ءبىر اي ىشىندە مۇناي ونىمدەرىن ءوندىرۋ جانە ساتۋ قۇرىلىمىن رەفورمالاۋ بويىنشا زاڭنامالىق تۇزەتۋلەر دايىنداۋدى تاپسىرامىن»، - دەدى ءاليحان سمايىلوۆ.