بۇل تۋرالى Vesti.kz تىلشىسىنە دەرەككوز ايتتى.
ەكى بوكسشىنىڭ كوماندالارى وتكەن اپتادا كەلىسسوز باستاعان. ءبىراق كەزدەسۋدىڭ شامامەن قاشان وتەتىنى دە بەلگىسىز.
الداعى كەزدەسۋىنە قازاقستاندىق بوكسشى كەلەسى اپتا دايىندىقتى باستايدى.
ايتا كەتەيىك، ەربوسىن ۇلى سوڭعى رەت قىركۇيەك ايىندا جەكپە-جەك وتكىزىپ، گايانالىق اللەن لەننوكستى (22-2-1، 14 ك و) جەڭدى. سول كەزدەسۋدەن كەيىن ول ساۋل «كانەلو» الۆارەستىڭ مىندەتتى قارسىلاسى اتانعان ەدى.
ال موررەل بولسا جەلتوقسان ايىندا مينەاپوليس (ا ق ش) قالاسىندا امەريكالىق الانتەس فوكستان (28-3-1، 12 ك و) ايلاسىن اسىردى.
ەسكە سالايىق، كۇزدە وتانداسىمىزدىڭ IBF بەلبەۋىنىڭ يەگەرى رەسەيلىك ەۆگەني شۆەدەنكومەن (15-0، 6 ك و) كەزدەسۋگە مۇمكىندىگى بولعان ەدى. ءبىراق ايقاس الدىندا ايدوس ەربوسىن ۇلى كوروناۆيرۋس جۇقتىرىپ الدى.