2022 -جىلعى 1-قاڭتاردان باستاپ پەداگوگتار مەن الەۋمەتتىك قامسىزداندىرۋ سالاسىنداعى قىزمەتكەرلەردىڭ جالاقىسى %25 عا، مەديتسينا قىزمەتكەرلەرىنىڭ جالاقىسى ورتا ەسەپپەن %20-30 عا ءوستى، دەپ حابارلايدى قازاقپارات ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
مەملەكەت باسشىسىنىڭ 2019 -جىلعى 2-قىركۇيەكتەگى «سىندارلى قوعامدىق ديالوگ - قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا ايتىلعان تاپسىرمانى ورىنداۋ ءۇشىن 2020 -جىلدان باستاپ شامامەن 600 مىڭ پەداگوگتىڭ جالاقىسىن كەزەڭ- كەزەڭىمەن ارتتىرۋ، ال 2021 -جىلدان باستاپ مەملەكەتتىك مەكەمەلەر مەن كوممۋنالدىق كاسىپورىنداردا جۇمىس ىستەيتىن 247 مىڭ مەديتسينا قىزمەتكەرىنىڭ جالاقىسىن كەزەڭ- كەزەڭىمەن ارتتىرۋ باستالدى. 2023 -جىلعا قاراي ولاردىڭ جالاقىسى 2 ەسە وسەدى.
2022 -جىلعى 1-قاڭتاردان باستاپ پەداگوگتاردىڭ جالاقىسى %25 عا، مەديتسينا قىزمەتكەرلەرىنىڭ جالاقىسى ورتا ەسەپپەن %20-30 عا ءوستى. سونداي-اق، 2022 -جىلعى 1-قاڭتاردان باستاپ الەۋمەتتىك قامسىزداندىرۋ سالاسىنداعى 21 مىڭ جۇمىسكەردىڭ لاۋازىمدىق ايلىق اقىلارى %25 عا ارتتىرىلدى. جالاقىنىڭ ءوسۋى ءوز قىزمەتىن ستاتسيونارلىق جانە جارتىلاي ستاتسيونارلىق ۇلگىدەگى مەديتسينالىق- الەۋمەتتىك مەكەمەلەردە (بۇدان ءارى - م ءا م)، ۇيدە قىزمەت كورسەتۋ ۇيىمدارىندا، ۋاقىتشا بولۋ ۇيىمدارىندا جانە جۇمىسپەن قامتۋ ورتالىقتارىندا جۇزەگە اسىراتىن باسشى قۇرام مەن نەگىزگى پەرسونالعا (الەۋمەتتىك قىزمەتكەرلەر، پەداگوگتار، مەديتسينا قىزمەتكەرلەرى جانە ت. ب. ) قاتىستى بولدى.
ەستەرىڭىزگە سالا كەتەيىك، 2021 -جىلدىڭ 1-قاڭتارىنان باستاپ الەۋمەتتىك قىزمەتكەرلەردىڭ جالاقىسى % 50 عا كوتەرىلدى.
سونداي-اق، 2021 -جىلى اكىمشىلىك جانە قوسالقى پەرسونالدىڭ، ستاتسيونارلىق جانە جارتىلاي ستاتسيونارلىق ۇلگىدەگى م ءا م- دە، ۇيدە قىزمەت كورسەتۋ جانە ۋاقىتشا بولۋ ۇيىمدارىندا جۇمىس ىستەيتىن جۇمىسشىلاردىڭ جالاقىسى قولدانىستاعى قوسىمشا اقىنىڭ مولشەرىن لاۋازىمدىق جالاقىدان %30 دان %40 عا وزگەرتۋ ارقىلى ارتتىرىلدى.
بۇدان بۇرىن حابارلانعانداي، اعىمداعى جىلعى 1-قاڭتاردان باستاپ ازاماتتىق قىزمەتشىلەردىڭ جەكەلەگەن ساناتتارىنىڭ جالاقىسىن كەزەڭ- كەزەڭىمەن ارتتىرۋ باستالىپ، ول 591 مىڭ ادامدى قامتيدى. ناتيجەسىندە، 4 جىل ىشىندە ولاردىڭ جالاقىسى 2 ەسە ارتادى.