قاسىم-جومارت توقايەۆقا ورتالىقتىڭ قۇقىقتىق ءتارتىپتى جانە قالا تۇرعىندارى مەن قوناقتارىنىڭ قاۋىپسىزدىگىن قامتاماسىز ەتۋدەگى ءرولى تۋرالى مالىمەت بەرىلدى.
شۇعىل ارەكەت ەتۋ ورتالىعىندا قالا اۋماعىنداعى شۇعىل جاعدايلار تۋرالى تۇسكەن اقپاراتتار تاۋلىك بويى ۇزدىكسىز جينالىپ، ولارعا تالداۋ جاسالادى جانە قۇقىق بۇزۋشىلىقتىڭ الدىن الۋ جۇمىستارى جۇرگىزىلەدى.
پرەزيدەنتكە قالاداعى تەرروريستك اكتى كەزىندە بۇزاقىلاردىڭ ماقساتتى تۇردە 20 كوشەگە ورناتىلعان 493 بەينەكامەرانى، بەينەباقىلاۋدى باسقارۋ جانە بايلانىس جۇيەسىنىڭ تەحنيكالىق جابدىقتارىن ىستەن شىعارعانى جونىندە باياندالدى.
ۇكىمەتتىك كوميسسيا مەن اكىمدىككە باقىلاۋ جۇيەلەرىن تۇگەلدەي قالپىنا كەلتىرۋ تاپسىرىلدى.
قالاداعى ءتارتىپتى 10 مىڭعا جۋىق بەينە كامەرا باقىلايتىن بولادى.
ەسكە سالا كەتسەك، ق ر پرەزيدەنتى قاسىم-جومارت توقايەۆ بۇگىن الماتىعا باردى. مەملەكەت باسشىسىنىڭ توراعالىعىمەن جەدەل شتاب وتىرىسى ءوتتى. بۇدان كەيىن پرەزيدەنت الماتىدا قايعىلى وقيعا كەزىندە قازا تاپقان پوليتسيا قىزمەتكەرلەرى مەن اسكەري قىزمەتشىلەردىڭ تۋعان-تۋىستارىمەن كەزدەستى. سونداي-اق، مەملەكەت باسشىسى جەدەل مەديتسينالىق كومەك كورسەتۋ اۋرۋحاناسىندا بولدى.